جادىناما: كۇدىكتى ادامدى كەزىكتىرگەن كەزدە قالاي ارەكەت ەتۋ قاجەت
سوڭعى ۋاقىتتاردا الەمدە ادام كوپ جينالعان جەرلەرگە جارىلعىش زاتتار قويۋ، جانكەشتى لاڭكەستەردى پايدالانۋ ارقىلى تەرروريزم جاساۋ فاكتىلەرى جيىلەدى، - دەلىنگەن جادىنامادا.
تەرروريزم اكتىسىن جوسپارلاۋ نەمەسە دايىنداۋ تۋرالى بىلدىرەتىن كەيبىر بەلگىلەردى ەستە ساقتاعان ءجون:
كۇدىكتى ادامنىڭ ءسىز جۇمىس ىستەيتىن عيمارات ماڭىنا نەمەسە ءۇي اۋلاسىنا بىرنەشە رەت كەلۋى، فوتو، ۆيدەو ءتۇسىرىلىم جاساۋ، سونداي- اق بلوكنوتقا جازبا جاساۋ؛
قۇقىق قورعاۋ قىزمەتكەرلەرىمەن كەزدەسىپ قالماۋ ارەكەتتەرىن جاساۋ جانە بەينەباقىلاۋ كامەرالارىنان جالتارۋ (باسىن تومەن ءتۇسىرۋ، اينالىپ ءوتۋ، بەتىن جاۋىپ ءوتۋ)؛
تەحنيكالىق قامتاماسىز ەتۋگە قاتىسى جوق ادامداردىڭ عيماراتتاردىڭ جەرتولەلەرىنە، شارباقتارىنا كىرۋى؛
اكىمشىلىك جانە تۇرعىن ءۇي عيماراتتارىنىڭ قىزمەت كورسەتۋشى پەرسونالىمەن، كۇزەتشىلەرمەن بەيتانىس ادامنىڭ نەگىزسىز باينالىسۋى؛ ولاردان جۇمىس رەجىمى، قاۋىپسىزدىكتى قامتاماسىز ەتۋ شارالارى جانە ت. ب. تۋرالى مالىمەتتەردى سۇراۋى؛
بوگدە ادامداردىڭ قوماقتى سىياقىعا ماڭىزى از جۇمىستى (پاكەت، وراما سالەمدەمە بەرۋ) ىستەۋگە ءازىر ادامداردى ىزدەۋى.
كۇدىكتى ادامداردى كەزىكتىرگەن كەزدە مىنا ارەكەتتەردى ورىنداۋ قاجەت:
- ونى ۇستاۋعا دەربەس ارەكەت قابىلداماۋ؛
- دەرەۋ ول جايلى قۇقىق قورعاۋ ورگاندارىنا حابارلاۋ؛
- نازار اۋدارماي، ادامدار سانىن، سىرتقى كەلبەتىن، كيىمى مەن قولىندا بار زاتتى، كولىكتەرىنىڭ ماركاسى مەن ءنومىرى، قوزعالىس باعىتىن ەستە ساقتاپ قالۋ.
« دۇرىس جانە ءجىتى ءىس- ارەكەت قانا ءوز ءومىرىڭىزدى جانە قورشاعان ادامداردىڭ ءومىرىن ساقتاپ قالۋعا جاردەمدەسەتىنىن ەستە ساقتاۋ اسا ماڭىزدى»، دەلىنگەن جادىنامادا.
