الماتىدا بىرنەشە مارتە الاياقتىق جاساعان ازامات سوتتالدى
سوت قىلمىسكەرگە قاتىستى مىناداي دەرەكتەردى انىقتادى: ا. ەسىمدى ازامات 2016 -جىلدىڭ 13 -ناۋرىزىندا ءوزىنىڭ تانىسى ي. ەسىمدى ازاماتشامەن كەزدەسەدى. اڭگىمە بارىسىندا ي. ەسىمدى ازاماتشا وعان ءوز پاتەرىنە جوندەۋ جۇرگىزگىسى كەلەتىندىگىن ايتىپ قالادى. سول ارادا ا. ەسىمدى ازاماتتا الاياقتىق ارەكەت جاساۋ تۋرالى ارام وي پايدا بولادى.
سول ويىن جۇزەگە اسىرۋ ماقساتىندا ول ۇيىنە جوندەۋ جۇرگىزگىسى كەلەتىن ازاماتشانىڭ وزىنە دەگەن سەنىمىن پايدالانىپ، ونى الداپ، وعان قۇرىلىس جۇمىستارىمەن ءوزى اينالىساتىندىعىن جانە كەرەكتى ماتەريالداردى ءوزى ساتىپ اكەلەتىندىگىن ايتادى. ي. سول كۇنى وعان 24000 تەڭگەنى قولىنا ۇستاتادى.
2016 -جىلى 15 -ناۋرىزدا ا. ءوزىنىڭ تانىسى ت. م. ەسىمدى ازاماتشاعا جۇرگىزۋشىلىك كۋالىك الىپ بەرۋگە ۋادە ەتەدى. ال ءوزىن اۆتوكولىك بويىنشا حالىققا قىزمەت كورسەتۋ ورتالىعىنىڭ قىزمەتكەرى رەتىندە تانىستىرادى. بۇل قىزمەتى ءۇشىن ت. م. -دان 30000 تەڭگە سۇرايدى. ت. م. 30000 تەڭگەنى بەرەدى.
سول كۇنى ا. ءدال وسىنداي ۇسىنىسپەن تاعى ءبىر تانىسى ق. ۇ. ەسىمدى ازاماتشاعا شىعادى. ءسويتىپ، ونىڭ دا 30000 تەڭگەسىن قاعىپ الادى.
2016 -جىلى 18 -ناۋرىزدا ا. وزىنە تاعى ءبىر تانىس ايەل - م. ن. ەسىمدى ازاماتشادان اۆتوكولىگىن جوندەپ الۋعا 30000 تەڭگە قارىز سۇرايدى. ال شىن مانىسىندە ونىڭ اۆتوكولىگى جوق بولعان. ءبىراق، بۇدان مۇلدەم بەيحابار جابىرلەنۋشى ەش ويلانباستان ا. -عا سول كۇنى- اق 30000 تەڭگە قارىز بەرەدى.
سودان وڭاي ولجاعا ابدەن قۇنىققان ا. 2016 -جىلى اقپان ايىندا م. ز. ەسىمدى ازاماتشاعا ءوزىن اۆتوكولىك بويىنشا حالىققا قىزمەت كورسەتۋ ورتالىعىنىڭ قىزمەتكەرى رەتىندە تانىستىرىپ، 70000 تەڭگەگە جۇرگىزۋشىلىك كۋالىك پەن قازاقستاندا تۇرۋعا بەرىلەتىن ىحتيارحات دايىنداپ بەرە الاتىندىعىن ايتادى. ءسويتىپ، 70000 تەڭگەنى قالتاعا باسقان.
سوت وتىرىسىندا ا. بارلىق قىلمىسىن مويىندادى.
وسىلايشا، سوت ۇكىمىمەن ا. -عا ق ر ق ك 190-بابى، 2- تارماعىنىڭ 2- بولىمىندە قاراستىرىلعان قىلمىستاردى جاساعان دەگەن ايىپ تاعىلىپ، ءۇش جىلعا باس بوستاندىعىنا شەكتەۋ قويىلدى جانە مۇلكى تاركىلەندى.
سوت ۇكىمى زاڭدى كۇشىنە ەندى.
اۆتور: ايبوتا جاپپاربەرگەن
