مەملەكەتتىك قىزمەتشىلەر كاسىبي سويلەۋ مانەرى مەن ءبىلىمىن شىڭداماق

بۇل رەسپۋبليكا بويىنشا تۇڭعىش رەت جەتىسۋ وڭىرىندە قولعا الىنىپ وتىرعان تىڭ باستاما. كوپشىلىك الدىندا مەملەكەتتىك قىزمەتتىڭ اتىنا نۇسقان كەلتىرمەي، ءتۇرلى پىكىرتالاستاردا كاسىبي سويلەۋ مانەرى مەن ءبىلىمىن، لايىقتى قابىلەتىن اشىپ كورسەتۋ داعدىلارىن قالىپتاستىرۋ، دەباتشىلار پۋلىن جاساقتاۋ ماقساتىندا ۇيىمداستىرىلاتىن يگى شارا ەلىمىزدە كاسىبي كادرلاردىڭ قاتارىن تولىقتىرۋعا جانە يميدجىن كوتەرۋگە سەپتىگىن تيگىزەدى.

الماتى وبلىستىق وڭىرلىك كوممۋنيكاتسيالار قىزمەتىندە وتكەن بريفينگتە ق ر مەملەكەتتىك قىزمەت ىستەرى مينيسترلىگى الماتى وبلىسى بويىنشا دەپارتامەنتىنىڭ باسشىسى - ادەپ جونىندەگى كەڭەس ءتوراعاسى سەرىكباي نۇرعيسايەۆ وسىلاي دەيدى. الماتى وبلىسىندا بۇگىنگى تاڭدا بارلىعى 8 مىڭنان استام مەملەكەتتىك قىزمەتكەر بار. جوعارىدا اتالعان دەبات ءوز مارەسىنە جەتىپ، وڭ ناتيجەلەرىن بەرىپ جاتسا، كەلەشەكتە وبلىستا پىكىرتالاس اكادەمياسىن قۇرۋ جوسپارلانۋدا. بريفينگتە، سونداي-اق، حالىققا كورسەتىلەتىن مەملەكەتتىك قىزمەتتەردى كوپشىلىك ءىس- شارالار شەڭبەرىندە كورنەكى تۇردە ۇسىنۋ ماسەلەسى قوزعالدى.

مىسالى، جىل باسىنان بەرى حالىققا 3 ميلليون 200 مىڭعا جۋىق ءتۇرلى دەڭگەيدەگى مەملەكەتتىك قىزمەت كورسەتىلگەن ەكەن. دەمەك، مەملەكەتتىك قىزمەتشىنىڭ بۇقارامەن بايلانىس ورناتۋداعى كوتەرەر جۇگى اۋىر دەگەن ءسوز.

الداعى ۋاقىتتا مەملەكەتتىك كورسەتىلەتىن قىزمەتتەر اشىق اسپان استىندا، الدە جارمەڭكە، بالكىم كورمە رەتىندە ۇيىمداستىرىلماق. مۇنداي قادام بيلىك پەن حالىقتىڭ ءبىر- بىرىنە ەتەنە جاقىن بولۋىنا ىقپال ەتپەك. باق وكىلدەرىمەن جيىندا سەرىكباي ورىكباي ۇلى جاڭا زاڭعا سايكەس مەملەكەتتىك قىزمەتكە قابىلداۋ تەك قانا بايقاۋ نەگىزىندە ەڭ تومەنگى لاۋازىمنان باستالاتىندىعىن جانە تابالدىرىقتان ەندى عانا اتتاعان جاس مامان الدىمەن ءۇش اي تالىمگەردىڭ الدىنان وتەتىندىگى تۋرالى دا تارقاتىپ ايتىپ بەردى.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى