اقتوبەدە قازا بولعان اسكەريدىڭ وتباسىنا ءۇش بولمەلى ءۇي بەرىلدى - - فوتو

ءوڭىر باسشىسى ەلباسى تاپسىرماسىنا سايكەس بۇدان بىلاي دا مارقۇمنىڭ وتباسىنا كومەك كورسەتىلەتىنىن جەتكىزدى. وسىنىڭ الدىندا مەملەكەت تاراپىنان 5 ميلليون تەڭگە كولەمىندە ماتەريالدىق جاردەم بەرىلدى. باتىردىڭ جارى نۇرسۇلۋ وسى شاعىناۋدانداعى مەكتەپكە ورنالاستىرىلدى. بالالارى اتالمىش ءبىلىم ورداسىنا، كىشىسى شاعىن ورتالىققا بارادى. ال پاتەر جيھازدارىن باتىس قازاقستاندىق كاسىپكەرلەر الىپ بەردى.

نۇرسۇلۋ قاليەۆا وتباسىنا كورسەتكەن قامقورلىعى ءۇشىن ەلباسىنا العىسىن ايتتى.

ەسكە سالا كەتەيىك، اقتوبەدەگى 6655-اسكەري بولىمىندە كەلىسىمشارت بويىنشا قىزمەت اتقارعان ب. قاليەۆ 5 -ماۋسىم كۇنى لاڭكەستەر شابۋىلى كەزىندە قازا تاپقان بولاتىن. ونىڭ ارتىندا جۇبايى، ەكى ۇل، قوس قىزى قالدى. بۇعان دەيىن ولاردىڭ وتباسى ءبىر بولمەلى پاتەردى جالداپ كەلگەن ەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى