كاتار ەلى قازاقستاننىڭ اۋىلدىق جەرلەرىندە مەديتسينالىق كلينيكالار سالۋ مۇمكىندىگىن قاراستىرۋعا ءازىر
تاراپتار قور قاراجاتى ەسەبىنەن استانادا شەيح تاميم بەن حاماد ءال-تاني اتىنداعى ورتا مەكتەپ قۇرىلىسىنىڭ جوباسىن ىسكە اسىرۋ بارىسىن تالقىلادى.
م. ءال-شاحۋانيدىڭ اقپاراتىنا سايكەس كاتار قورى مەن استانا قالاسىنىڭ اكىمدىگى قازىرگى ۋاقىتتا تىعىز بايلانىستا جۇمىس ىستەپ، قۇرىلىس جۇمىسىن جەدەلدەتىپ باستاۋ ءۇشىن جوسپارلى جۇمىستار جۇرگىزىپ جاتىر.
اڭگىمەلەسۋشىنىڭ بۇدان بۇرىن قوردىڭ قاتىسۋى تۋرالى، قازاقستانداعى باسقا دا ماڭىزدى الەۋمەتتىك جوبالارعا قول جەتكىزىلگەن ۋاعدالاستىعىن نازارعا الىپ، ەلشى ا. شوقىبايەۆ كاتار تاراپىنا ەلىمىزدىڭ اۋىلدىق وڭىرلەرىندە زاماناۋي كلينيكالاردى سالۋدى ينۆەستيتسيالاۋ مۇمكىندىگىن قاراۋدى ۇسىندى.
قوردىڭ اتقارۋشى ديرەكتورى قازاقستاننىڭ كاتاردىڭ سىرتقى ساياسي باسىمدىقتارىندا ەرەكشە ورنى بار ەكەنىن، وسىعان بايلانىستى قور استانامەن ىنتىماقتاستىقتى كەڭەيتۋگە، بارىنشا ماڭىزدى الەۋمەتتىك جوبالاردى قاراۋعا ءازىر ەكەندىگىن مالىمدەدى.
