قازاقستان ەلشىسى دىڭ شياۋپيڭنىڭ قىزىمەن كەزدەستى

كەزدەسۋ بارىسىندا قوس تاراپ قازاقستان مەن قىتاي اراسىنداعى ساياسي، ەكونوميكالىق، مادەني- گۋمانيتارلىق ىنتىماقتاستىق احۋالى مەن پەرسپەكتيۆالارى تۋرالى پىكىر الماستى.

دىڭ روڭ ەكىجاقتى قاتىناستاردىڭ دەڭگەيىن باعالادى، قىتاي حالقى اراسىندا قازاقستان پرەزيدەنتىنىڭ تانىمالدىلىعى مەن بەدەلىنىڭ جوعارىلىعىن اتاپ ءوتتى.

«قىتايدا ءار ءۇي، ءار وتباسى نۇرسۇلتان نازاربايەۆتى بىلەدى. سەبەبى ول قازاقستاننىڭ ساياسي تۇراقتىلىعى مەن ەكونوميكالىق گۇلدەنۋى، ءوز ەلى حالقىنىڭ ءال- اۋقاتىن ارتتىرۋدا بەلسەندى جۇمىستار جۇرگىزىپ كەلەدى»، - دەپ اتاپ ءوتتى ول.

ءوز كەزەگىندە، ش. نۇرىشەۆ «100 ناقتى قادام» ۇلتتىق جوسپارىنا سايكەس ەلدە جۇرگىزىلىپ جاتقان ساياسي رەفورمالار مەن ەكونوميكالىق وزگەرىستەر جايلى ايتتى. ول قازاقستاندىق جۋرناليستەرمەن سۇحبات ۇيىمداستىرۋعا مۇمكىندىك بەرگەنى ءۇشىن وعان العىس ءبىلدىرىپ، كەلەسى جىلى «ەكسپو-2017» كورمەسىنە قاتىسۋعا شاقىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى