اقمولا وبلىسىندا ىزدەۋدە جۇرگەن قىلمىسكەرلەر وزگە قالالاردان تابىلدى
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا وبلىس اۋماعىندا قوعامدىق ءتارتىپتى ساقتاۋ جانە وسىعان دەيىن جاسالىنعان قىلمىستاردىڭ بەتىن اشۋ باعىتىندا اۋقىمدى شارالار جۇرگىزىلۋدە.
«كوكشەتاۋ قالالىق ءى ءى ب قىزمەتكەرلەرى استانا قالاسىندا جۇرگىزگەن جەدەل ىزدەستىرۋ شاراسى بارىسىندا ىزدەۋدە جۇرگەن 12 رەت ۇرلىق جاساعان قىلمىسكەردى قولعا ءتۇسىردى. قازىرگى كەزدە كۇدىكتى كوكشەتاۋ قالاسىنىڭ ءىىب ۋاقىتشا ۇستاۋ وقشاۋلاعىشىنا توعىتىلىپ، وزگە قىلمىستارعا قاتىسى بار- جوعى انىقتالۋدا.
سونىمەن قاتار، تاعى ءبىر قىلمىسكەر شىعىس قازاقستان وبلىسى اۋماعىندا ۇستالدى. وسكەمەن قالاسىندا پوليتسەيلەردىڭ قولىنا تۇسكەن ول شورتاندى اۋدانىندا ۇرلىق جاساعانى ءۇشىن ايىپتالىپ وتىر. ودان ەشقايدا كەتپەۋ تۋرالى قولحات الىندى»، - دەپ كورسەتىلگەن حابارلامادا.
اۆتور: اسلان وسپانوۆ
