دەپۋتات اقتوبەدەگى تەراكتىدەن كەيىن يمامداردى قاتاڭ تارتىپتە تاعايىنداۋدى ۇسىندى
«مىسالى، ءدىني وقۋ ورىندارىن بىتىرگەن تۇلەكتەر عانا يمام بولا الادى. بىزدە ولاردى وقىتادى. كەزىندە 90-جىلدارى ءتۇرلى مەملەكەتتە وقىعاندار، مىسالى پاكىستان، اۋعانستاندا ءبىلىم العاندار ەلىمىزدە يمام نەمەسە ءدىني ۇيىمداردىڭ، بىرلەستىكتەردىڭ باسشىسى بولماۋى ءتيىس. بۇل ماسەلەگە وزگەرتۋلەر ەنگىزۋ كەرەك»، - دەدى دەپۋتات كونستيتۋتسيالىق زاڭناما، سوت جۇيەسى مەن قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا.
سەرىك اقىلبايدىڭ ايتۋىنشا، ءدىني ۇيىمداردىڭ وكىلدەرىمەن وتكىزىلەتىن كەزدەسۋلەرگە بايلانىستى ەرەجەرلەردى قايتا قاراپ شىعۋ قاجەت.
«ولار كوشەدە كەزدەسپەۋى كەرەك: ءوز پىكىرلەرىن ايتىپ، ءوز جاعىنا تارتىپ نەمەسە باسقا مۇسىلمانداردى ولاردى دۇرىس ناماز وقىمايدى دەپ كىنالاۋعا بولمايدى. بەلگىلى ءبىر ءتارتىپ بولۋى كەرەك»، - دەپ پىكىر ءبىلدىردى دەپۋتات.
ايتا كەتەيىك، بۇگىن سەناتور جۋرناليستەرمەن كەزدەسۋ بارىسىندا لاڭكەستىك ارەكەت جاساعانداردى ءولىم جازاسىنا كەسۋ كەرەكتىگىن مالىمدەدى.
