قىرعىزستاننان قازاقستانعا كارتوپ جەتكىزۋگە قويىلعان شەكتەۋ الىندى
بۇل تۋرالى بۇگىن ق ر اۋىل شارۋاشىلىعى مينيسترلىگى اۋىل شارۋاشىلىعى كەشەنىندەگى مەملەكەتتىك ينسپەكتسيا كوميتەتى ءتوراعاسىنىڭ ورىنباسارى الماسبەك مارس ءمالىم ەتتى.
«اقپارات ۇسىنىلىپ، ماماندار احۋالمەن تانىسۋ ءۇشىن باردى. 4 -ماۋسىمنان باستاپ شەكتەۋ الىنىپ، بۇگىندە كارتوپ تاسىمالداۋعا بولادى»، - دەدى ول.
سونىمەن قاتار ا. مارس شەكارادا باقىلاۋدىڭ بار ەكەندىگىن، مونيتورينگ جۇرگىزىلىپ وتىرعاندىعىن باسا ايتتى.
«شەكتەۋ كارتوپتىڭ «التىن ءتۇستى نەماتودا» دەپ اتالاتىن كەسەلى 79 رەت انىقتالعاننان كەيىن ەنگىزىلگەن بولاتىن»، - دەدى كوميتەت ءتوراعاسىنىڭ ورىنباسارى.
