استانالىق دەلەگاتسيا جاھاندىق ايەلدەر سامميتىنە قاتىستى
ەلوردانىڭ رەسمي سايتىنىڭ حابارلاۋىنشا، بيىلعى سامميت «ايەلدەر - ساندىق تەحنولوگيالار داۋىرىندە ينكليۋزيۆتى ەكونوميكانى قۇرۋ ءۇشىن» تاقىرىبىمەن وتكەن.
وعان 70 تەن استام ەلدەن 1 مىڭنان استام تابىستى كاسىپكەر پەن ساياساتكەر ايەلدەر وسى بەدەلدى الاڭدا ءوز تاجىريبەلەرىمەن ءارى پىكىرلەرىمەن الماستى. بۇل سامميت مەملەكەتتىك جانە جەكە ءومىردىڭ بارلىق سالالارىندا ءتيىمدى دامۋعا قول جەتكىزۋدەگى جاڭا كرەاتيۆتى ويلارمەن الماسۋ مۇمكىندىگىن بەرە الاتىن اسا ماڭىزدى ءىس- شارا بولىپ تابىلادى.
«بۇگىنگى تاڭدا بيزنەستەگى باسشى ايەلدەردىڭ ۇلەسى %42 عا جەتىپ وتىر جانە بۇل كورسەتكىش تۇراقتى تۇردە ارتىپ كەلەدى. استانادا بۇل ءۇردىس شوب سالاسىندا ەرەكشە بايقالادى، سوندىقتان وزىق تاجىريبەنى مەڭگەرۋگە جانە جەتىستىكتەرمەن بولىسۋگە مۇمكىندىك تۋدىراتىن وسى سياقتى فورۋمداردى وتكىزۋ وتە ورىندى» - دەپ باياندادى «قالالاردىڭ بولاشاعى» اتتى فورۋمدا قازاقستاندى تانىستىرۋ بارىسىندا م. بەكتۇروۆا.
استانا اكىمى ورىنباسارىنىڭ ۆارشاۆاعا ساپارى بارىسىندا قازاقستان ەلشىلىگىنىڭ قولداۋىمەن پولشا ەلورداسىنىڭ ۆيتسە- پرەزيدەنتى م. ولشيەۆسكيمەن كەزدەسۋ ۇيىمداستىرىلىپ، ونىڭ بارىسىندا استانا مەن ۆارشاۆا اراسىنداعى ىنتىماقتاستىقتى ودان ءارى نىعايتۋدىڭ ماسەلەلەرى تالقىلاندى. تاراپتار قالالىق اكىمدىكتەر اراسىنداعى سەرىكتەستىكتىڭ احۋالى مەن الەۋەتىن جوعارى باعالادى. قالانى دامىتۋ ىسىندەگى باي تاجىريبەنى ەسكەرە وتىرىپ، 2020 -جىلعا دەيىنگى ارنايى ىنتىماقتاستىق باعدارلاماسىنا قول قويۋ تۋرالى كەلىسىمگە كەلدى. سونىمەن قاتار، وسى قۇجات ەكونوميكالىق جانە ينۆەستيتسيالىق سەرىكتەستىكتى دامىتۋعا باعىتتالعان شارالاردى قامتيتىن بولادى. الداعى ۋاقىتتاۆارشاۆادا وتكىزىلەتىن ناتو ءسامميتى اياسىندا پولياك تاراپى ءىرى حالىقارالىق شارالاردى جوعارى دەڭگەيدە، سونىڭ ىشىندە ەكسپو-2017 وتكىزۋ بويىنشا استانانىڭ تاجىريبەسىن زەردەلەۋگە قىزىعۋشىلىق تانىتتى.
م. بەكتۇروۆا پولشانىڭ دامۋ مينيسترلىگىندە وتكەن كەزدەسۋدە پولياك بيزنەس وكىلدەرىنە استانانىڭ ينۆەستيتسيالىق شارتتارى مەن باسىمدى جوبالارى تۋرالى بايانداپ بەردى. بۇل كەزدەسۋ قازاقستان ەلشىلىگى ۇستىمىزدەگى جىلدىڭ مامىر ايىندا ۇيىمداستىرعان پولشا دامۋ ۆيتسە- ءمينيسترى ر. دوماگالسكي- لابەندزكي جانە استانا قالاسىنىڭ اكىمدىگى اراسىنداعى كەلىسسوزدەردىڭ جالعاسى بولدى.
سەمينارعا قازاقستاندا جۇمىس ىستەيتىن جانە ىنتىماقتاستىققا قىزىعۋشىلىق تانىتىپ وتىرعان پولشانىڭ 18 كومپانياسى قاتىستى. كەزدەسۋ قورىتىندىلارى بويىنشا تاراپتار پولشانىڭ قۇرىلىس كلاستەرىمەن بەلسەندى ىقپالداستىق ورناتۋعا ۋاعدالاستى، سونداي- اق تۇرعىن- ءۇي كوممۋنالدىق شارۋاشىلىق، بالامالى ەنەرگەتيكا، اۋىل شارۋاشىلىعىنداعى قايتا وڭدەۋ جانە كولىك- لوگيستيكالىق جوبالارى بويىنشا ىنتىماقتاستىق مۇمكىندىكتەرىن زەردەلەۋ تۋرالى كەلىسىمگە قول جەتكىزدى.
