الماتىدا اپتاپ ىستىقتان «جەدەل جاردەم» كومەگىنە جۇگىنگەندەر بولعان جوق

ءبىراق، سوعان قاراماستان، كۇن ءتيىپ، «جەدەل جاردەم» شاقىرعاندار بولعان جوق.

بۇل تۋرالى بۇگىن «قازاقپارات» تىلشىسىنە الماتى قالاسىنىڭ جەدەل مەديتسينالىق جاردەم ستانساسى ەمدەۋ ءبولىمى باس دارىگەرىنىڭ ورىنباسارى الەكساندر لازاريەۆ ءمالىم ەتتى.

سينوپتيكتەردىڭ دەرەكتەرى بويىنشا، الداعى كۇندەرى الماتىدا اۋا تەمپەراتۋراسى 42 گرادۋستان تۇسپەيدى دەپ كۇتىلۋدە.

ال وسى كۇندەر ىشىندە قالا تۇرعىندارى كۇنىنە 2500 رەت «جەدەل جاردەم» شاقىرعان. ا. لازاريەۆتىڭ ايتۋىنشا، بۇل قالا تۇرعىندارى تاراپىنان بولاتىن قالىپتى دەڭگەيدەگى شاقىرتۋلار.

«الماتىدا جاز كەزىندە اۋا رايى ءبىرىنشى رەت مۇنشالىقتى ىستىق بولىپ جاتقان جوق. بۇعان دەيىن دە ىستىق بولعان. مۇنداي كەزدە ۇيدەن شىعۋدىڭ دا قاجەتى جوق. ال ەگەر شىعاتىن بولسا، ادامدار باستارىنا قالپاق كيىپ نەمەسە قولدارىنا قولشاتىر الىپ جۇرۋلەرى ءتيىس. سونىمەن قاتار، سۋ الىپ ءجۇرۋدى دە ۇمىتپاعان ءجون. ويتكەنى، مىناداي ىستىقتا ادام اعازاسى تەز قۇرعايدى»، - دەدى دارىگەر.

سونداي-اق، ا. لازاريەۆ گيپەرتونيا نەمەسە جۇرەك اۋرۋلارىنا شالدىققان ادامدارعا دارىگەرلەر ۇسىنعان دارىلەردى دەر كەزىندە قابىلداۋدى جانە اتا- انالاردى بالالارىن دالاعا ۇزاق شىعارماۋعا شاقىردى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى