عالىمدار ارتىق سالماقپەن كۇرەسۋدىڭ جاڭا ءتاسىلىن تاپتى
بۇل مەتال نۋتريەنت ماي جاسۋشالارىن اجىراتۋدا باستاپقى ءرول اتقارادى، دەپ حابارلايدى obozrevatel.com سايتى.
مىستان ۇزاق ۋاقىتتان بەرى ىدىس-اياق، ەلەكترونيكا، زەرگەردىك بۇيىمدار جانە وسىعان ۇقساس باسقا دا زاتتاردى دايىنداۋ ءۇشىن پايدالانىلىپ كەلگەن. الايدا سوڭعى عاسىردا اتالعان مەتال اعزاداعى اتقاراتىن بەلگىلى ءبىر بيولوگيالىق قىزمەتتەرگە اسەرى وزىنە ۇلكەن نازار اۋدارتتى.
مىستىڭ قىزىل قاندى اعزالاردى قالىپتاستىرۋ، تەمىردىڭ ءسىڭىرىلۋى، بىرىكتىرۋشى ءتىننىڭ دامۋى جانە يممۋندىق جۇيەنى قالپىندا ساقتاۋ ءۇشىن پايدالى ەكەنى انىقتالعان. ال ەندى عالىمدار مىستىڭ مايدىڭ زات الماسۋداعى ءرولىن دە دالەلدەپ شىقتى.
بەركليدەگى كاليفورنيا ۋنيۆەرسيتەتىنىڭ زەرتتەۋشىلەرى مىستىڭ ەنەرگيا كوزى رەتىندە پايدالىناتىن ماي جاسۋشالارىن اجىراتۋ ءۇشىن قاجەت ەكەنىن انىقتادى. وندا مىس رەتتەۋشى ءرولىن اتقارادى. اعزادا مىس نەعۇرلىم كوپ بولسا، سوعۇرلىم مايدىڭ ۇلكەن كولەمى اجىراتىلادى. زەرتتەۋ اۆتورلارى مىستىڭ جەتىسپەۋشىلىگى سەمىزدىك جانە ونىمەن بايلانىستى اۋرۋلارعا اكەلىپ سوقتىرا الاتىنىن دا شامالاپ وتىر.
عالىمدار بۇل مەتالدىڭ اعزادا وزدىگىنەن شىعارىلمايتىنىن، جانە مىستىڭ قاجەتتى كولەمى ازىق-تۇلىكتەردىڭ كومەگىمەن الىنۋى ءتيىس ەكەنىن ەسكە سالادى.
