اسكەري تەڭىزشىلەر جۇزۋشىلەرمەن بىرگە حالىقارالىق ارميا ويىندارى بايقاۋىنا دايىندالۋدا - فوتو
ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، «ورال» كورابلى اۋەدە، تەڭىزدە جانە سۋ بەتىندە قالقىپ جۇرەتىن مينالاردى نىساناعا الۋ بويىنشا پراكتيكالىق اتىستاردى ورىندادى. ءار تاجىريبەلىك اتۋ دايىندىعى بارىسىندا جەكە قۇرام ءوز ماشىعىن ارتتىرىپ، ناتيجەلەردى جاقسارتادى.
كورابل ەكيپاجى ءىس- جۇزىندەگى نىسانا كوزدەۋ مەن قاتار تەڭىز بياتلونى جارىسىنىڭ «قۇتقارۋ دايارلىعى» كەزەڭى ءۇشىن جۇزۋشىلەردى دايارلاۋدى وتكىزەدى. جۇزۋشىلەر ۇرلەمەلى قۇتقارۋ بوگەتىنە دەيىن 50 مەتر ءجۇزىپ بارادى. بايقاۋدىڭ شارتى بويىنشا ءجۇزىپ جەتكەن ادام بوگەتتى اۋدارىپ، مارەگە دەيىن ءجۇزىپ ءوتۋى ءتيىس.
ەستەرىڭىزگە سالا كەتەيىك، حالىقارالىق ارميا ويىندارى-2016 اياسىندا ق ر ق ك اسكەري- تەڭىز كۇشتەرى «كاسپي كۋبوگى - 2016» (تەڭىز بياتلونى) تەڭىز كونكۋرسىنا قاتىسادى. اتالعان بياتلونعا قاتىساتىن نەگىزگى جانە قوسالقى كورابلدەر انىقتالدى.
بايقاۋعا قاتىساتىن نەگىزگى كورابل «ورال» زىمىراندى- ارتيللەريالىق كورابلى، ال قوسالقى - «سارى ارقا» كورابلى. بۇل ەكيپاجداردىڭ قۇرامى 33 ادام.
وتكەن جىلى ق ر ق ك ءا ت ك كومانداسى «كاسپي كۋبوگى» بايقاۋىنا ءبىرىنشى رەت قاتىستى. اتالعان بايقاۋدىڭ قورىتىندىسى بويىنشا ءبىزدىڭ كوماندا ەكىنشى ورىنعا، سونداي- اق كۇمىس القا مەن «ب ل-680» جىلدام جۇزەتىن قايىققا يە بولدى.
