درون پەترا قالاسىندا كونە ەسكەرتكىشتى تاپتى - فوتو

كونە جۇرتتى ەسكەرتكىشتى سيپاتتايتىن عىلىمي ەڭبەك Bulletin of the American Schools of Oriental Research جۋرنالىندا جاريالانعان. ونىڭ سۋرەتتەرى National Geographic سايتىندا ورنالاستىرىلدى.

پەترا - ءبىزدىڭ داۋىرىمىزگە دەيىن V عاسىردا سالىنىپ، قازىرگى يوردانيانىڭ اۋماعىندا ورنالاسقان كونە قالا. پەترا يۋنەسكو- نىڭ دۇنيەجۇزىلىك مۇراسى تىزىمىنە ەنگىزىلگەن.

 ارحەولوگتار سارا پاركاك پەن كريستوفەر تاتتل وسى اۋماقتا بيىكتەن تۇسكەن سپۋتنيك سۋرەتتەرىن، درون كومەگىمەن الىنعان ايروفوتوسۋرەتتەردى پايدالانىپ كونە عيمارات ورنىن تاپتى. سونداي- اق ونى ەگجەي- تەگجەيلى سيپاتتاۋ ءۇشىن، ارنايى زەرتتەۋلەر جۇرگىزدى.

تابىلعان ەسكەرتكىشتىڭ ۇزىندىعى 56 مەترگە جۋىق جانە ەنى 49 مەتر ءتورت تاعاندى قۇرىلىس.

ونىڭ ۇستىندە كولەمى 8,5*8,5 مەترلىك ۇساق پلاتفورما تۇر. عالىمداردىڭ پىكىرىنشە، ول كەزىندە عيمارات بولعان. ءىرى پلاتفورمانىڭ شىعىس جاعىندا وعان اپاراتىن باسپالداقتىڭ سوڭىندا ورنالاسقان كولوننالاردىڭ ىزدەرى تابىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى