مارستا ادامنىڭ باس سۇيەگىنە ۇقساس قاڭقا تابىلدى
بۇل تۋرالى News.am اقپارىنا سۇيەنگەن ras.kz حابارلادى.
جۇمباق سۋرەتتى ناسا مارسقا جاساعان ەكسپەديتسياسى كەزىندە ءتۇسىرىپتى. وندا ادامنىڭ باس سۇيەگىنە ۇقساس قاڭقا كورىنىپ تۇر. زەرتتەۋشى سكوتت س. ۆارينگانىڭ بولجامىنشا، قىزىل پلانەتادا ءومىر سۇرگەن باياعى مارس ادامدارىنىڭ باس سۇيەكتەرى وسىنداي بولعان.
«باس سۇيەك ۇلكەن. ول كولەمى جاعىنان ادامنىڭ باس سۇيەگىمەن شامالاس. مەن مۇنىڭ دۋلىعا ەكەنىنە سەنبەيمىن. دۋلىعا مۇرىن تۇسىن ءدال وسىنشالىقتى دالدىكپەن كورسەتىپ بەرە المايدى. ونىڭ تومەنگى جەلكە تۇسى دا ادامنىڭ قاڭقاسىنا قاتتى كەلەدى. مارستاعى باس سۇيەك جەردەگى ادامنىڭ باس سۇيەگىنەن اينىمايدى ەكەن»، - دەدى سكوتت س. ۆارينگا.
