اقتوبەدە ولتىرىلگەن لاڭكەستەر قۇپيا تۇردە جەرلەنەتىن بولدى
اتالعان قۇجاتتا كورسەتىلگەندەي، لاڭكەستىك جاساۋ بارىسىندا جارىلىپ ولگەن نەمەسە قۇقىق قورعاۋشىلار تاراپىنان ولتىرىلگەن سودىرلاردىڭ ۇستىنەن قوزعالعان قىلمىستىق ءىس توقتاتىلىپ، ولار ارنايى بەلگىلەنگەن جەرگە جەرلەنەدى. بۇل مولانىڭ قايدا ەكەنى جانە جەرلەۋ ءراسىمى قالاي وتەتىنى قۇپيا ساقتالۋى ءتيىس. بەلگىلىسى، مازاردا تەگى تۋرالى ەشقانداي مالىمەت جوق ادامدار دا جەرلەنەدى.
دارىگەر تاراپىنان قايتىس بولعاندىعى تۋرالى انىقتاما بەرىلگەن سوڭ، جەرلەۋدى ۇيىمداستىرۋمەن اينالىساتىن ۇيىمنىڭ اكىمدىگى تىركەۋ كىتاپشاسىنا مالىمەتتەردى جازىپ الىپ، لاڭكەس جەرلەنگەن قابىرگە تىركەۋ نومەرىن بەرەدى.
تىركەۋ كىتاپشاسىنا تومەندەگىدەي مالىمەتتەر جازىلادى: جەرلەنگەن جىلى، ايى، كۇنى؛ قابىردىڭ نومەرى؛ تۋعان جىلى مەن ولگەن جىلى؛ دارىگەرمەن بەرىلگەن قايتىس بولعاندىعى تۋرالى انىقتامانىڭ نومەرى، داتاسى جانە بەرگەن مەكەمەنىڭ اتاۋى؛ جەرلەۋدى ۇيىمداستىرعان ۇيىمنىڭ اتاۋى مەن مەكەن-جايى. كىتاپشادا ولگەن لاڭكەستىڭ اتى-ءجونى كورسەتىلمەيدى.
ال، سودىردىڭ تۋىستارىنا دارىگەرلەر بەرگەن قايتىس بولۋ تۋرالى انىقتامانىڭ كوشىرمەسى، سوت-مەديتسينالىق تالداۋدىڭ قورىتىندىسى جانە لاڭكەسكە تيەسىلى تاركىلەۋگە جاتپايتىن زاتتارى بەرىلەدى.
