قازاقستاندىق بوكسشىلار ەۋروپانى باعىندىرماق
بۇل تۋرالى ەۋروپا بوكس وداعىنىڭ باس اسسامبلەياسىندا ايتىلدى. قازاقستان اتالعان ۇيىمعا 10 جىل بۇرىن كىرگەن بولاتىن. قازىر بۇل وداققا 40 ەل مۇشە. جيىنعا كەلگەن دەلەگاتتار ەۋروپادا بوكستىڭ دامۋىن تالقىلاپ، الداعى ءىس- جوسپارىمەن تانىستىردى.
ەسكە سالا كەتەيىك، 1- ماۋسىمدا حالىقارالىق اۋەسقوي بوكس فەدەراتسياسى ريو- دە- جانەيرو قالاسىندا وتەتىن وليمپياداعا كاسىپقوي شەبەرلەردىڭ قاتىسۋىنا رۇقسات بەرگەن بولاتىن. بۇل رەتتە شارشى الاڭنىڭ شاڭىن قاققان ۆاسيلي جيروۆ، بەيبىت شۇمەنوۆ جانە گەننادي گولوۆكين سىندى مىقتىلار شىققان قازاقستاننىڭ تاجىريبەسى زور.
ەرلان بەكحوجين، ق ر كاسىپقوي بوكس فەدەراتسياسىنىڭ پرەزيدەنتى:
- بىزدە بوكستىڭ ءداستۇرلى مەكتەبى قالىپتاسقان. كاسىپقوي جانە اۋەسقوي دەڭگەيدە ءوزىمىزدى مويىنداتقان ەلمىز. ەندى ەۋروپا چەمپيوناتىنا جانات جاقيانوۆ پەني بەكمان ساۋلەبەكوۆتى قوسقالى وتىرمىز. سونداي-اق وتاندىق تورەشىلەردىڭ كاسىبي بىلىكتىلىگىن ارتتىرۋ ءۇشىن ەۋروپالىق كەڭىستىككە ەنۋدىڭ ماڭىزى زور.
ۆيكتور دەميانەنكو، وليمپيادا ويىندارىنىڭ جۇلدەگەرى، باپكەر:
- ءبىز تورەشىلەردى دايىنداۋدىڭ قىر- سىرىن مەڭگەرۋگە جانە جىگىتتەردىڭ ەۋروپالىق ۇزدىك بوكسشىلارمەن تاجىريبە الماسۋىنا مۇمكىندىك الامىز. قازاقستاننىڭ بوكس مەكتەبىن ولار دا جاقسى بىلەدى. وسى ۇيىمعا مۇشە بولعالى بەرى ارىپتەستىك قارىم- قاتىناس نىعايا تۇسۋدە.
www.24.kz
