الماتىدا ق ر پرەزيدەنتى ارحيۆىندە «بولاشاقتىڭ ءبىرتۇتاس ۇلتى» تاقىرىبىندا ستۋدەنتتەرمەن كەزدەسۋ وتكىزىلدى

وعان ءال-فارابي اتىنداعى قازاق ۇلتتىق ۋنيۆەرسيتەتى «تاريح»، «مۇراعات تانۋ، قۇجاتتاردى جۇرگىزۋ جانە قۇجاتتامالىق قامتاماسىز ەتۋ» ماماندىعى، ابىلايحان اتىنداعى حالىقارالىق قاتىناستار جانە الەم تىلدەرى قازاق ۋنيۆەرسيتەتىنىڭ «مەملەكەتتىك جانە جەرگىلىكتى باسقارۋ» ماماندىعى جانە نازاربايەۆ ۋنيۆەرسيتەتى گۋمانيتارلىق جانە الەۋمەتتىك عىلىم مەكتەبىنىڭ «تاريح» ماماندىعى بويىنشا ستۋدەنتتەرى قاتىستى.

بۇل تاجىريبەلىك ءىس- شارا قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي جانە «ماڭگىلىك ەل» پاتريوتتىق اكتىسىن تالقىلاۋعا ارنالدى.

ءوزىنىڭ العى سوزىندە قر پرەزيدەنتىنىڭ ديرەكتورى، تەحنيكا عىلىمدارىنىڭ دوكتورى، پروفەسسور بوريس جاپاروۆ مۇراعاتتىڭ قىزمەتى، ق ر تاۋەلسىزدىگىنىڭ 25 جىلدىعىن اتاپ ءوتۋ اياسىندا وتكىزىلىپ جاتقان شارالار، سونداي-اق، مۇراعات ءىسىن جەتىلدىرۋ بويىنشا ازىرلەنگەن جوسپارلار جايىندا اڭگىمەلەدى.

ونىڭ ايتۋىنشا، بۇگىنگى تاڭدا ق ر پرەزيدەنتى مۇراعاتى مۇراعات سالاسىن رەفورمالاۋعا بەلسەندى تۇردە قاتىسۋدا. بۇگىنگى تاڭدا اقپاراتتىق تەحنولوگيالار ەنگىزىلىپ ەلەكتروندى ارحيۆ جاسالىپ جاتىر. قازىرگى تاڭدا جالپى سانى 1957,7 مىڭ پاراقتان تۇراتىن 32 مىڭ ءىس ساندىق فورماتقا كوشىرىلدى. بۇل ساندىق فورماتقا ءبىرىنشى كەزەكتە وتكىزىلۋى ءتيىس 160 مىڭ ءىستىڭ 20 پايىزىن قۇرايدى.

سونىمەن قاتار، ستۋدەنتتەر «ەكىنشى دۇنيەجۇزىلىك سوعىستاعى قازاقستاندىق تۇتقىندار: ادەبيەت، اقپارات كوزدەرى جانە دەرەكقور» جانە «قازاقستانداعى 1930 -جىلدارداعى اشتىق: قۇجاتتار مەن دەرەكتەر» دەپ اتالاتىن ەكى عىلىمي- زەرتتەۋ جوباسىنىڭ جۇزەگە اسىرىلۋ بارىسىمەن تانىستى.

سونىمەن قاتار، كەزدەسۋدە ق ر پرەزيدەنتى ارحيۆى قۇجاتتاردى عىلىمي جاريالاۋ باسقارماسىنىڭ باسشىسى ەۆگەنيا چيليكوۆا قاتىسۋشىلاردى قازاقستان حالقى اسسامبلەياسىمەن ارادا قولعا الىنعان بىرلەسكەن جوبالار جايىندا ايتىپ بەردى.

«فيليا» گرەك ۇلتتىق- مادەني ورتالىعىنىڭ مۇشەسى نينا سوپيليدي ءوز ەستەلىكتەرىمەن ءبولىستى.

كەزدەسۋدە ق ر پرەزيدەنتى ن. ءا. نازاربايەۆتىڭ تورالىعىمەن وتكەن قازاقستان حالقى اسسامبلەياسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» اتتى XXIV سەسسياسىندا قابىلدانعان «ماڭگىلىك ەل» پاتريوتتىق اكتىسى وقىلىپ، تالقىلاندى.

ايتا كەتەلىك، ءىس- شارادا قازاقستان حالقى اسسامبلەياسىنىڭ قىزمەتىن كورسەتەتىن تاريح- قۇجاتتىق كورمەسى ۇسىنىلدى. كوپشىلىكتىڭ نازارىنا كورمەنى ق ر پرەزيدەنتىنىڭ ءارحيۆى جاس ارحيۆيستەر كەڭەسىنىڭ ءتوراعاسى المات تولەتبەكوۆ تانىستىردى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى