قىزىلوردادا «دەنساۋلىق فەستيۆالى» ءوز مارەسىنە جەتتى - فوتو

بيىلعى «دەنساۋلىق فەستيۆالى» 6-11 -ماۋسىم ارالىعىندا جاپپاي حالىقتىڭ بەلسەنە قاتىسۋمەن وتكىزىلدى. كوپتەگەن جۇمىس ورىندارى، ءتۇرلى باسقارمالار، كاسىپورىندار، جاستار، قاراپايىم تۇرعىندار ءبىر كىسىدەي ات سالىستى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى حابارلادى.

اپتا بويى، قالالىق، اۋداندىق جانە وبلىستىق مەديتسينا ورتالىعىنىڭ باستاماسىمەن «اشىق ەسىك» كۇندەرى جاريالانىپ، وبلىس بويىنشا 10 مىڭعا تارتا تۇرعىندار دەنساۋلىعىن تەكسەرتتى.

جاستار اراسىندا زامانۋي بيلەر، كوڭىلدى تاپقىشتار ويىنى، مەكتەپتەر مەن بالا باقشالاردا ءتۇرلى سايىستار مەن سۋرەت كونكۋرستارى جاريالاندى.

«دەنساۋلىق فەستۆالىنىڭ» سالتانتىندا قۇتتىقتاۋ ءسوز سويلەگەن، «نۇر وتان» پارتياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى يبادۋللا قۇتتىقوجايەۆ، جۇلدەگەرلەردى باعالى سىيلىقتارمەن ماراپاتتادى.

«دەنساۋلىق فەستيۆالىنىڭ» نەگىزگى ۇيىمداستىرۋشىسى - وبلىستىق دەنساۋلىق ساقتاۋ باسقارماسى جانە وبلىستق جاستار دەنساۋلىعى ورتالىعى. فەستيۆالدە باسقارما باسشىسىنىڭ ورىنباسارى نۇرجامال مىرزاعالييەۆا سپورت تۇرلەرى جۇلدەگەرلەرىن ماراپاتتادى.

«دەنساۋلىق فەستيۆالىنە» وبلىستىڭ 30 مىڭنان اسا تۇرعىندارى قاتىسىپ، سالاۋاتتىلىق شارالارىنا بەلسەنە ارالاستى.

تاۋەلسىزدىكتى 25 جىلدىعى اياسىندا وتكىزىلىپ وتىرعان مەديتسينا قىزمەتكەرلەرىنىڭ 50 سپارتاكياداسىنىڭ قورتىندىسى بويىنشا، سوعىس جانە ەڭبەك ارداگەرى كەڭەسباي قاليەۆ قۇتتىقتاۋ ءسوز سويلەدى. قالالىق سپورت ءبولىمىنىڭ مەڭگەرۋشىسى ماناس تولەبايەۆ، سپارتاكيادا قورتىندىسى بويىنشا جۇلدەگەر كوماندالاردى باعالى سىيلىقتارمەن ماراپاتتتادى.

«دەنساۋلىق فەستيۆالىنىڭ» سوڭى ءان- شاشۋعا جالعاستى.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى