الماتىدا قاتەرلى ىسىكتەردىڭ الدىن الۋ جانە ەرتە انىقتاۋ ءۇشىن اشىق ەسىك كۇنى ءوتتى - فوتو
وسىعان سايكەس، الماتى ايماقتىق ونكولوگيالىق ديسپانسەرىندە قاتەرلى ىسىكتەردى الدىن الۋ جانە ەرتە انىقتاۋ ءۇشىن اشىق ەسىك كۇنى ۇيىمداستىرىلدى.
الماتى قالاسىنىڭ جانە الماتى وبلىسىنىڭ تۇرعىندارى ونكوحيرۋرگ، ونكوماممولوگ، ونكوگينەكولوگ دارىگەرلەرىنىڭ كەڭەسىن الىپ، ۋلترادىبىستى زەرتتەۋدەن تەگىن ءوتتى.
ناقتىراق ايتقاندا، 30 ايەل ونكوگينەكولوگ ماماننىڭ قاراۋىندا بولدى. ونىڭ ىشىندە 7 ايەل قاتەرلى ىسىككە كۇدىكتى دەپ تابىلىپ، تەرەڭدەتىلگەن زەرتتەۋگە جىبەرىلدى.
«جالپى شارا بارىسىندا ونكوحيرۋرگتىڭ كەڭەسىنە 19 تۇرعىن جۇگىندى. ونىڭ ىشىندە 1 ادام قاتەرلى ىسىككە كۇدىكتى دەپ انىقتالىپ، تەرەڭدەتىلگەن زەرتتەۋگە جىبەرىلدى. ونكوماممولوگتىڭ قابىلداۋىندا بولعان 39 ايەلدىڭ 1 ىنە قاتەرلى ىسىك دياگنوزى قويىلىپ، قاتەرلى ىسىككە كۇدىكتى 10 ايەلدەن پۋنكتسيا الىنىپ، لابوراتوريالىق زەرتتەۋگە جولداندى. ۋلترادىبىستىق زەرتتەۋدەن 51 ادام تەگىن ءوتتى. العاشقى كەزەڭىندە انىقتالعان اۋرۋدى ەمدەپ جازۋعا مۇمكىندىك كوپ. وبلىستىق ديسپانسەر باسشىلىعى وسىنداي اشىق ەسىك كۇندەرىن تۇراقتى تۇردە وتكىزىپ تۇرۋدى ماقسات قويىپ وتىر»، - دەدى امبۋلاتورلى ەمحانا ءبولىمىنىڭ مەڭگەرۋشىسى مەرۋەرت مىقتىباي قىزى.
اۆتور: گۇلميرا عوسمانالي
