قازاقستاندىق اۋىر اتلەت اشىق اڭگىمەسىمەن جۇرتتى دۇرلىكتىردى
سپورتشى شتانگىنى كوتەرۋدىڭ ورنىنا ۇستىندەگى فۋتبولكاسىن شەشىپ، «مىنە - وليمپيادالىق چەمپيون» دەپ لاقتىرىپ كەتكەن بولاتىن. ال فۋتبولكاعا رەسەيلىك اۋىر اتلەتشى الەكساندر يۆانوۆتىڭ سۋرەتى سالىنعان ەكەن. ول 2012-جىلى لوندوندا وتكەن وليمپيادادا يليا يلينمەن التىنعا تالاسىپ، جەڭىلىپ قالعان.
ارتىنشا ۆلاديمير سەدوۆ ءوزىنىڭ بۇل ارەكەتى ءۇشىن الەۋمەتتىك جەلى ارقىلى كەشىرىم سۇرايدى. مۇنى جۇيكەسىنىڭ سىر بەرگەندىگىمەن ءتۇسىندىرىپ، ءوزىنىڭ جاراقاتى تۋرالى دارىگەرلەردىڭ جازىپ بەرگەن قاعازىنىڭ سۋرەتىن جاريالايدى.
«مەن نەگە يليا يليننىڭ كومانداسىنان كەتتى دەيسىزدەر مە؟ ويتكەنى ولار مەنىڭ وليمپيادالىق چەمپيون بولمايتىنىمدى الدىن الا شەشىپ قويعان»، - دەدى سەدوۆ.
ق ر اۋىر اتلەتيكا قۇراماسىنىڭ جاتتىقتارۋشىسى الەكسەي نيدەن ءوزىنىڭ نە سەبەپتى ريو وليمپياداسىنا بارا المايتىنىن ءتۇسىندىرۋىن سۇرادى.
«ق ر اۋىر اتلەتيكا قۇراماسىنىڭ باس جاتتىقتارۋشىسى الەكسەي نيگە سۇراق... نەگە مەن وليمپيادا قۇراماسىنىڭ قۇرامىندا جاتتىعا المايمىن؟ سىزدەر ماعان ريوعا جولداما السام دا، ازيادا وتكەن چەمپيوناتتان كەيىن بىرگە جاتتىعۋعا تىيىم سالدىڭىزدار. بىرنەشە ادامنىڭ قارسى ەكەنىن ايتاسىز نەمەسە بۇل سۇراققا جاۋاپ بەرۋدەن باس تارتاسىز»، - دەيدى سەدوۆ.
ارى قاراي ريو وليمپياداسىنا باراتىندىعى بەلگىسىز بولسا دا، جاتتىعۋ جۇمىستارىن جالعاستىرا بەرەتىندىگىن ايتىپ ءوتتى. پەكيندە نە سەبەپتى ءتورتىنشى ورىن العانىن ءتۇسىندىردى.
«ول ۋاقىتتا مەن وليمپيادا ويىندارىنا قالاي دۇرىس دايىندالىپ، كۇشتى قالاي شىنىقتىرۋ كەرەكتىگىن بىلمەدىم. جارايدى، وليمپيادا باستالدى. باسىندا 170 كەلى، 175 كەلى، 180 كەلى بارلىعى دۇرىس ءوتىپ جاتتى. مەن جاتتىقتىرۋشىلاردان 205 كەلىنىڭ ورنىنا 205 كەلىنى قويۋدى سۇرادىم. الايدا ولار قولا مەدالعا تالاسپاق بولىپ، 203 كەلىگە قويعان. مەن ونى كوتەرە المادىم. ويىمدا 200-205، ءۇشىنشى رەتتە جەڭىسكە جەتۋ بولدى. «مەن ارمانىم تۋرالى ەشكىمگە ايتقان ەمەسپىن، ءبىراق 205 سۇراعانىمدى ەشكىم ەستىمەگەن سياقتى»، - دەيدى سەدوۆ.
بۇدان وزگە، ۆلاديمير سەدوۆ تيمۋر قۇلىبايەۆتان وليمپيادا قۇراماسىندا جاتتىعۋعا رۇقسات سۇرادى.
