ءازىمباي عالي ەرلان قاريندى «قازاقستاندى جابىق مەملەكەتتەر قاتارىنا قوسپاق» دەپ ايىپتادى
ءتىپتى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قاريننىڭ ءسوزىن سىنعا الىپ، بۇل مالىمدەمەسى ارقىلى «قازاقستاندى جابىق مەملەكەتتەر قاتارىنا قوسپاق» دەپ ايىپتادى.
ساياسات تانۋشى ءازىمباي عالي مۇنداي پىكىرىن Facebook پاراقشاسىندا جاريا ەتتى.
«وقىدى، وزىق دەگەن قازاعىم سەن بولساڭ، وندا قاتارداعى پولكوۆنيكتەر نە ىستەمەك؟ ەلىمىزدى جابىق مەملەكەتتەر قاتارىنا ەڭگىزبەكسىڭ عوي؟ قازاقستاننىڭ يميدجىن ابدەن بۇزباقسىڭ عوي؟ «ۆكونتاكتە» ينتەرنەت جەلىسى - قازاقتى جەك كورىپ ەلىمىزدى جاماندايدى ەكەن» دەپ جاباردىڭ الدىندا ءبىزدىڭ الدىمىزدان وتكەندەيسىڭ»، - دەپ جازدى ءازىمباي عالي.
سونىمەن قاتار جەلى قولدانۋشىسى ءوز جازباسىندا قازاق ءتىلىنىڭ بۇگىنگى مۇشكىل حالىن دە تىلگە تيەك ەتىپ، بيلىكتەگىلەرگە كىنا ارتتى.
«قازاقستاندىق باسپا سوزگە يە ەمەسپىز. قازاقستاندا مەملەكەتتىك ءتىل جەردە جاتىر، وعان بيلىكتەن اراشا بولعان لاۋازىمدى قازاق كورمەدىم. كەرىسىنشە، قازاقشا سويلەگەنگە پروكۋراتۋرانى ايتاقتاۋ بيلىكتىڭ ءىسى بولىپ تۇر. «ءۇش تۇعىرلى» ءتىلدى ەڭگىزبەك بولىپ ارەكەت جاساپ جاتقاندا قايدا بولدىڭ؟ قازاقستاندىق ۇلت كونتسەپتسياسىن شىعارعان سەن ەمەس پە ەدىڭ؟ تاعى دا باسقا قازاقتىڭ رۋحىنا قارسى دۇنيەلەردى سەن ىستەيتىن قابىرعالاردى دايىندامادى ما؟»، - دەپ اشىندى ساياساتتانۋشى.
ايتا كەتەيىك، جاقىندا عانا ەرلان قارين ءوزىنىڭ Facebook پاراقشاسىندا ۆكونتاكتە الەۋمەتتىك جەلىسىن مۇلدەم بۇعاتتاپ تاستاۋدى ۇسىندى. سەبەبى رەسەيلىك جەلىدەن كەلەتىن قاۋىپ ەلىمىز ءۇشىن باسىم.
«سوڭعى وقيعالار كەزىندەگى جاعدايلاردا، Facebook ەمەس، ەڭ الدىمەن ۆكونتاكتە جەلىسىن يا تەجەۋ، يا مۇلدەم توقتاتۋ كەرەك. نەگىزى بارلىق ءجونسىز، ءمانسىز جانە قاۋىپتى بالەكەتتىڭ ءبارى سوندا»، - دەپ جازدى قارين.
ەرەكشە اتاپ وتەرلىگى، بەسىنشى ماۋسىم كۇنى اقتوبەدە ورىن العان تەررورلىق شابۋىلدان قۇقىق قورعاۋشىلار لاڭكەستەردىڭ الەۋمەتتىك جەلىدەگى پاراقشالارىن زەرتتەپ كورگەن. ولاردىڭ بارلىعى ۆكونتاكتە جەلىسىنە تىركەلىپ، ونداعى ءدىني توپتاردىڭ مۇشەسى بولعان.
