كۇيەۋى پىشاقتاعان بايان ەسەنتايەۆا ەسىن جيدى

بۇل تۋرالى «informburo.kz» حابارلايدى.

الماتى وبلىسى دەنساۋلىق ساقتاۋ باسقارماسى بۇدان وزگە اقپارات بەرمەدى.

بايان ەسەنتايەۆا ماۋسىمنىڭ 10 ى كۇنى ساعات 12:55 شاماسىندا تالعار قالاسىنىڭ اۋرۋحاناسىنا جەتكىزىلگەن. ول باس-مي جاراقاتىن الىپ، مۇرنى سىنىپ، كەۋدە تۇسىنان پىشاقتالعان. وعان وتا جاسالىپ، ءدال قازىر جان ساقتاۋ بولىمىندە جاتىر ەكەن.

الماتى قالاسى دەنساۋلىق ساقتاۋ باسقارماسى اسحان بايدۋاليەۆ Bnews.kz پورتالىنا بەرگەن سۇحباتىندا پروديۋسەردىڭ ىشەگىن تىككەنىن ايتتى. ايتۋىنشا، باسىندا قاندى ىسىك جوق، ءبىراق ءجاي ءىسىنۋ بار. مۇنىمەن قاتار، بايان ەسەنتايەۆانىڭ ەس-ءتۇسسىز جەتكىزىلگەنىن حابارلادى.

«ازىرگە ءبىر نارسە ايتۋ ءالى ەرتە. ونىڭ جاعدايى تۇراقتى - اۋىر. دارىگەرلەرىمىز كەشە وعان وتا جاسادى. قازىر جانساقتاۋ بولىمىندە جاتىر»، - دەيدى الماتى وبلىسىنىڭ باس دارىگەرى اسحان بايدۋاليەۆ.

ماۋسىمنىڭ 10 ى كۇنى تالعار اۋدانىنىڭ جانارماي بەكەتىندە بايان ەسەنتايەۆا مەن كۇيەۋىنىڭ اراسىندا تۇسىنىسپەۋشىلىك بولعانى راستالدى. سوڭىندا جولداسى پروديۋسەردى سوققىعا جىعىپ، بىرنەشە جەردەن پىشاقتاعان.

الماتى وبلىسى ءى ءى د باقىتبەك ەسەنتايەۆقا قاتىستى قىلمىستىق تەرگەۋ جۇمىستارىنىڭ جۇرگىزىلگەنىن راستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى