استانادا دۋاتلوننان جارىس وتەدى

بيىل جارىسقا قاتىسۋشىلار 25 شاقىرىم قاشىقتىقتى باعىندىرماق. جولدىڭ جالپى ۇزىندىعى كەزدەيسوق تاڭدالىپ وتىرعان جوق - ول قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويىنا ورايلاستىرىلعان.

«استانا-دۋاتلون-2016» جارىسىنا 16 جاستان اسقانداردىڭ ءبارى دە قاتىسا الادى. ءبىراق 18 گە تولماعاندار تىركەلۋ ءۇشىن اتا-اناسىنىڭ جازباشا رۇقساتىن اكەلۋى كەرەك. «استانا-دۋاتلون-2016» جارىسىنا قاتىسۋشىلار وزدەرىمەن بىرگە جەكە كۋالىكتەرىن الا كەلۋى قاجەت.

قاتىسۋشىلاردى تىركەۋ شارا وتەتىن كۇنى «بايتەرەك» مونۋمەنتىنىڭ الدىنداعى الاڭدا تاڭعى ساعات 7 دەن باستالىپ، تۋرنيرگە 15 مينۋت قالعاندا اياقتالادى. دۋاتلون تاڭعى ساعات 10:00 باستالادى.

تۋرنير ءۇش كەزەڭنەن تۇرادى: الدىمەن قاتىسۋشىلار 5 شاقىرىم جۇگىرىپ وتەدى، سودان كەيىن 15 شاقىرىمدى ۆەلوسيپەدپەن جۇرەدى، ال سوڭعى كەزەڭدە - تاعى دا 5 شاقىرىم قاشىقتىققا جۇگىرەدى.

بىلتىرعىداي ءاربىر قاتىسۋشىنىڭ ۋاقىتى جەكە بەلگىلەنەدى، جارىس قورىتىندىسى بويىنشا جەڭىمپازدارعا باعالى سىيلىقتار تابىستالادى. سالتاناتتى ماراپاتتاۋ راسىمىنەن كەيىن «بايتەرەك» مونۋمەنتىنىڭ الدىنداعى الاڭدا دۋاتلونعا قاتىسۋشىلار مەن شارا قوناقتارىنىڭ نازارىنا كونسەرتتىك باعدارلاما ۇسىنىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى