ن. نازاربايەۆ: اقتوبەدەگى لاڭكەستىكتى سالافيزمدى ۇستانۋشىلار جاسادى
«ءبىز مۇنىڭ ءداستۇرلى ەمەس سالافيزم ءدىني اعىمىن ۇستانۋشىلار توبىنىڭ لاڭكەستىك شابۋىلى ەكەندىگىن بىلەمىز. رەسپۋبليكاداعى ءدىني نانىم- سەنىم بوستاندىعىنا قامتاماسىز ەتە وتىرىپ، ءبىز سونىمەن بىرگە ءدىني ۇراندى جامىلا وتىرىپ، ەلدەگى احۋالدى شاتقاياقتاتۋعا تىرىساتىندارعا باتىل جاۋاپ قاتۋعا نيەتتىمىز»، - دەدى مەملەكەت باسشىسى.
نۇرسۇلتان نازاربايەۆ لاڭكەستەردىڭ جوسپارىنا قاراماستان بەيبىت تۇرعىندار اراسىندا ءولىم- ءجىتىمنىڭ كوپ بولۋىنا جول بەرىلمەگەندىگىنە باسا نازار اۋداردى.
«كۇش- قۋات قۇرىلىمدارىنىڭ ءىس- قيمىلى بارلىق دەرلىك قىلمىسكەرلەردىڭ كوزىن جويۋعا مۇمكىندىك بەردى. ولاردىڭ كەيبىرەۋلەرى ىزدەۋدە. مەنىڭشە، ءبىزدىڭ قۇقىق قورعاۋ ورگاندارى بارلىعىن دا تاۋىپ، ولار سايكەسىنشە جازا الاتىن بولادى. لاڭكەستىك اكت قوعامنىڭ كوڭىل- كۇيىن بۇزدى، حالىق تاباندى ءىس- قيمىلداردى كۇتە وتىرىپ، ولاردى ءادىل تۇردە ايىپتايدى»، - دەدى قازاقستان پرەزيدەنتى.
وسىعان وراي مەملەكەت بسشىسى ۇلتتىق قاۋىپسىزدىكتى قامتماسى زەتۋگە باعىتتالعان ستراتەگيالىق جانە جۇيەلى سيپاتقا يە ءبىرقاتار ناقتى تاپسىرمالار بەردى.
اۆتور: مارلان جيەمباي
