الماتىدا «اسكەري الپينيادا» اياقتالدى - فوتو
«تاۋ - بۇل قاتەلىكتى كەشىرمەيتىن، الدىن الا بولجاۋعا كەلمەيتىن ءارى كۇردەلى ورتا. سوندىقتان بولار ا و س ك- نىڭ الدىنداعى باستى مىندەت - توتەنشە جاعدايلاردا بايقاۋدى قاۋىپسىز وتكىزۋ. بايقاۋدىڭ بارلىق كەزەڭدەرى بارىنشا قيىن بولدى. سەبەبى، اۋا رايى قۇبىلىپ، توسىن مىنەز تانىتتى. جاڭبىر جاۋىپ، تاۋدا اينالا كورىنبەي قالدى جانە كۇن ىسىپ كەتتى. قاتتى شارشاعاندىقتان كوماندالاردىڭ قاشىقتىقتى ەڭسەرىپ وتە الماعان كەزدەرى دە بولدى. الايدا، مۇنىڭ بارلىعىنا قاراماستان، سايىس جوعارى دەڭگەيدە ءوتتى جانە كوپتەگەن اسكەري قىزمەتشىلەر جوعارى دايىندىق دەڭگەيىن كورسەتتى»، - دەدى سايىس تورەشىسى، ا و س ك شتاتتىق كومانداسىنىڭ تاۋلى دايارلىق جونىندەگى اعا باپكەرى، اعا لەيتەنانت ماقسۇت جۇمايەۆ.
اەروۇتقىر اسكەرلەرى 48386 اسكەري ءبولىمىنىڭ كومانداسى سايىس جەڭىمپازى اتانسا، 32356 اسكەري ءبولىمى ەكىنشى ورىندى، «وڭتۇستىك» ءو ڭ ق 03811 اسكەري ءبولىمى ءۇشىنشى ورىندى ەنشىلەدى.
«مەنىڭ كوماندام جاقسى ناتيجە كورسەتتى. مۇنىڭ بارلىعى جاقسى دايىندىق پەن ۇيىمشىلدىقتىڭ ارقاسى. جارىس بارىسىندا قيىندىقتار كەزدەستى. قاشىقتىقتى وتكەرمەي، بارلىعىن تاستاپ كەتكىڭ كەلگەن كەزەڭدەر بولدى. الايدا، ءبىز سوڭىنا دەيىن جەتىپ، جەڭىسكە قول جەتكىزدىك»، - دەدى ەرلان شوكەيەۆ.
اسكەري الپينيادا بەس كەزەڭدە ءوتتى. ءبىرىنشى جانە ەكىنشى كەزەڭ شەڭبەرىندە اسكەري قىزمەتشىلەرگە كۇردەلى ەمەس ءشوپتى، ورانبالى جانە باعداردىڭ قارلى ۋچاسكەلەرى بويىنشا كۇندىزگى وتكەلدەن ءوتۋ قاجەت بولدى. ءۇشىنشى جانە ءتورتىنشى كەزەڭ بارىسىندا سايىس قاتىسۋشىلارى «ىلمەلى وتكەل»، «قۇزعا ورمەلەۋ» جانە «جارالىنى تاسىمالداۋ» ارنايى ۋچاسكەلەرىن ءوتتى.
