اۆتورلىق قۇقىق سالاسىندا وتىنىمدەر تۇراقتى ءوسىپ كەلەدى - ق ر ادىلەت ءمينيسترى

بۇگىن استانادا حالىققا ەسەپ بەرۋ كەزدەسۋىندە ق ر ادىلەت ءمينيسترى بەرىك يماشەۆ وسىلاي ءمالىم ەتتى.

زياتكەرلىك مەنشىكتى قورعاۋ باعىتىنا توقتالعان مينيستر: «سوڭعى ءتورت جىلدا ونەركاسىپتىك مەنشىك نىساندارىنا بەرىلگەن قورعاۋ قۇجاتتارى 40 پايىزعا ءوستى. ونىڭ ىشىندە نەگىزگى ۇلەسىن (82,7 پايىز) تاۋارلىق بەلگىلەر قۇراپ وتىر»، - دەدى.

ونىڭ سوزىنە قاراعاندا، اۆتورلىق قۇقىق سالاسىندا قۇقىقتاردى تىركەۋ ءۇشىن وتىنىمدەر تۇراقتى وسۋدە. بۇل ءوز كەزەگىندە كوممەرتسيالىق باعىتتىڭ، اۆتورلاردىڭ وزدەرىنىڭ قۇقىقتارىن قورعاۋدىڭ جاندانۋىن بايقاتىپ وتىر.

«اۆتورلىق قۇقىقتاردى ۇجىمدىق باسقارۋ بويىنشا كومپانيالارمەن سوڭعى جىلدارى جينالعان جانە اۆتورلارعا تولەنگەن سىياقى سوماسى ايتارلىقتاي ارتقان. 5 جىلدا ونىڭ كولەمى ءۇش ەسە ءوستى. جينالعان سىياقىنىڭ جارتىسىنان استامى (53 پايىزى) قازاقستاندىق اۆتورلارعا اۋدارىلدى»، - دەدى ب. يماشەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى