نەمىس عالىمدارى راكقا قارسى ۆاكسينا ويلاپ تاپتى
پرەپاراتتىڭ باستى ەرەكشەلىگى - ونىڭ قۇرامىنداعى ر ن ق نانو بولشەكتەرى. ولار يممۋندى جاسۋشالارعا بارىپ، اعزانىڭ قورعانىس جۇيەسىن ىسكە قوسادى، تيىسىنشە قاتەرلى ىسىكتىڭ ءوسۋىن توقتاتادى. بۇل عىلىمي جاڭالىق كۇنى كەشە Nature جۋرنالىندا جاريالاندى.
عالىمدار ويلاپ تاپقان ليپوپلەكس- نانو بولشەكتەرى ر ن ق مولەكۋلالارىنان تۇرادى. ر ن ق قۇرامىندا انتيگەن جانە ليپيدتى قابىقشا تۋرالى اقپارات كودتارى بار. ولار اعزانى بۇزىلۋدان ساقتايدى. ال، ليپوپلەكستەردىڭ بەتىندە تەرىس زارياد بولعاندىقتان، ولار دەندريدتى جاسۋشالاردىڭ ىشىنە ەركىن ەنە الادى. دەندريدتى جاسۋشالار - اعزاعا تۇسكەن بوتەن دەنەلەردىڭ كوزىن جوياتىن يممۋنيتەت.
راكپەن اۋىراتىن تىشقاندارعا تاجىريبە جۇرگىزگەن عالىمدار وسىناۋ جاسۋشاعا ليپوپلەكس- نانو بولشەكتەرىن جىبەرۋ ارقىلى اۋرۋدىڭ بەتىن قايتارعان. سونىمەن قاتار، وبىردىڭ جەڭىل تۇرىنە شالدىققان ادامدارعا دا تاجىريبە جۇرگىزىلدى. ناتيجەسىندە، ىسىك كلەتكالارىنىڭ دامۋى توقتاعان.
