حالىقارالىق كورمەدە قازاقستان اسكەري- اۋە كۇشتەرىنىڭ سۋ جاڭا ۇشاقتارى كورسەتىلەدى

«KADEX-2016»  كورمەسىندە ق ر قارۋلى كۇشتەرى العاش رەت س ۋ-30 س م ەڭ زاماناۋي جاۋىنگەرلىك ۇشاقتارىن ۇسىنادى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

 بۇگىنگى تاڭدا اتالعان ۇلگى الەمدەگى ۇزدىك كوپ فۋنكتسيونالدى جاۋىنگەرلىك ۇشاق بولىپ تابىلادى. مي-171 ش سۋ جاڭا كولىكتىك- جاۋىنگەرلىك تىكۇشاقتىڭ كورسەتىلىمى دە قىزىقتى بولماق. تالدىقورعان جانە شىمكەنت اۋەايلاقتارىنان «KADEX-2016»  كورمەسىندە كورسەتىلەتىن سۋ-25، سۋ-27 ۇشاقتارى قايتا ورنالاستىرىلادى. 19132 اسكەري ءبولىمىنىڭ جەكە قۇرامى اتالمىش كورمەگە ۇشىپ كەلگەن ەكيپاجداردى قارسى الدى. سۋ-27 ۇشاعىنىڭ تىزگىنىن ۇستاعان اسكەري- اۋە كۇشتەرىنىڭ قولباسشىسى اۆياتسيا گەنەرال- مايورى داۋرەن قوسانوۆ ءبىرىنشى بولىپ قوندى. سۋ-30 س م سۋ جاڭا ۇشاعىندا اۋە قورعانىسى كۇشتەرىنىڭ باس قولباسشىسى اۆياتسيا گەنەرال- لەيتەنانتى نۇرلان ورمانبەتوۆ پولكوۆنيك قايرات بايماحانوۆپەن بىرلەسە جوعارى پيلوتاج فيگۋرالارىنىڭ كەشەنىن، ياعني، «نەستەروۆ ىلمەگىن» ، «بوشكەنى» ، «بۇرىلىستى» جانە «جاۋىنگەرلىك بۇرىلىستى» ورىندادى.

 بۇگىنگى كۇنى ق ر  ق ك  ا ق ك اسكەري- اۋە كۇشتەرىنىڭ اۆياتسيالىق پاركى قازىرگى زامانعى اسكەري تەحنيكامەن جابدىقتالعان. م ي گ-31 توسقاۋىلشى جويعىشتارى، س ۋ-27 كوپ مەجەلى جويعىشتارى، م ي گ-29 ماڭداي شەپتىك جويعىشتارى، ان-12، ان-72، س-295 اسكەري- كولىكتىك ۇشاقتارى، م ي-8، م ي-17ۆ-5 تىكۇشاقتارى، ەس-145 ەۋروكوپتەر مەن م ي-26،   UH1-II   «Хьюи» - مۇنىڭ بارلىعى اسكەري ۇشقىشتاردىڭ ارسەنالىندا بار نارسە.

 «KADEX-2016»  كورمەسى 19132 اسكەري ءبولىمىنىڭ بازاسىندا وتەتىنىن ەستەرىڭىزگە سالا كەتەيىك. وندا ءارتۇرلى ەلدەردىڭ اسكەري ءونىمى ۇسىنىلادى. ءىس- شارا اياسىندا قوناقتار مەن قاتىسۋشىلار قورعانىس سەكتورى كاسىپورىندارىنىڭ جاڭا ازىرلەمەلەرىنىڭ ەكسپوزيتسياسىمەن تانىسىپ قانا قويماي، سونىمەن بىرگە قازاقستاندىق ارميانىڭ جاراقتاندىرۋىندا تۇرعان اسكەري تەحنيكانى باعالاۋعا مۇمكىندىك الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى