ارالاس نەكەدەن تۋعان بالالار نەلىكتەن اۋرۋشاڭ بولادى؟
بۇل امەريكا قۇراما شتاتتارىنىڭ بايىرعى تۇرعىندارى - كىلەڭ ۇندىستەر تۇراتىن قونىستار مەن الەمنىڭ ءار قيىرىنان كوشىپ كەلگەن اق جانە قارا ءناسىلدى قونىس اۋدارۋشىلار بىرگە تۇراتىن ەلدى مەكەندەردە جۇرگىزىلگەن زەرتتەۋلەر ناتيجەسىندە دالەلدەنگەن.
اق جانە قارا ناسىلدىلەردىڭ ارالاس نەكەسىنەن تۋعان بالالار اۋرۋشاڭ كەلەتىندىگى جانە ءوز قاتارلاستارىنان دامۋ جاعىنان 1,5 ەسەدەي ارتتا قالاتىندىعى انىقتالعان. ي. م. سەچەنوۆ اتىنداعى ماسكەۋ مەديتسينا ۋنيۆەرسيتەتى پەدياتريا كافەدراسىنىڭ مەڭگەرۋشىسى، مەديتسينا عىلىمدارىنىڭ دوكتورى، پروفەسسور ولەگ بوتۆينيەۆ وسىنداي قاراما-قايشىلىق بايقالعان گەنەتيكالىق قۇبىلىستى ارالاس نەكەدە بۇرىننان قالىپتاسقان گەن كەشەنى بۇزىلىپ، جاڭادان پايدا بولعان گەن كەشەنى مىڭداعان جىلداردىڭ سىنىنان وتپەگەندىكتەن، بيولوگيالىق تۇرعىدان وتە ءالسىز بولاتىندىعىمەن تۇسىندىرگەن.
سونىڭ سالدارىنان دەرتكە شالدىعۋ، بالا ءولىمى كوبەيىپ، ادامداردىڭ ءومىر ءسۇرۋ ۇزاقتىعى قىسقاراتىن بولىپ شىقتى. ونىڭ ۇستىنە ەرلى-زايىپتىلاردىڭ ناسىلدەرى ءبىر-بىرىنەن قانشالىقتى الىس بولعان سايىن ولاردىڭ نەكەلەرى دە سونشالىقتى كوپ ۇيلەسىمسىزدىكتەر تۋدىراتىن كورىنەدى.
ال جاقىن تۋىس حالىقتاردىڭ وكىلدەرى بولىپ تابىلاتىن جۇبايلاردىڭ نەكەلەرى گەنەتيكا تۇرعىسىنان ەڭ قولايلى نەكەلەر بولىپ سانالادى. ا ق ش- تىڭ ستەنفورد ۋنيۆەرسيتەتىنىڭ مەديتسينالىق ورتالىعى جۇرگىزگەن زەرتتەۋ ناتيجەسى دە ادامزات دەنساۋلىعى ءۇشىن ارالاس نەكە ەڭ كوپ قاۋىپ-قاتەر توندىرەتىنىن ايعاقتاپ بەرگەن.
وسى زەرتتەۋ توبىنىڭ مۇشەسى، كاليفورنيا ۋنيۆەرسيتەتىنىڭ پروفەسسورى اارون كوفي: «بۇعان دەيىن بالا تۋۋ پروتسەسىنە اتا-انالاردىڭ ەتنوستىق تەگى ەمەس، الەۋمەتتىك-ەكونوميكالىق جاعدايى كوبىرەك اسەر ەتەدى دەپ سانالىپ كەلگەن. سوندىقتان ءبىز اشقان جاڭالىقتىڭ بيولوگيا مەن مەديتسينا ءۇشىن ماڭىزى وتە زور. ويتكەنى، ول ءناسىلى ءارتۇرلى ادامداردىڭ بويىندا اسا ماڭىزدى بيولوگيالىق ەرەكشەلىكتەر بار ەكەندىگىن كورسەتىپ وتىر»، - دەدى.
