بەيجىڭ وليمپياداسىنا قاتىسقان سپورتشىلار دوپينگپەن ۇستالىپ جاتىر
ويتكەنى ولاردىڭ سەگىز جىل بۇرىن تاپسىرعان سىنامالارى قايتادان دوپينگ تەكسەرۋدەن وتكىزىلدى.
بۇل تۋرالى «قازاقستان» ارناسى حابارلايدى.
حالىقارالىق وليمپيادا كوميتەتى (ح و ك) سەگىز جىل بۇرىنعى 454 سىنامانى جاڭا عىلىمي ادىسپەن تەكسەرگەن سوڭ وسىلاي مالىمدەدى. ريو-دە-جانەيرو وليمپياداسىنا قاتىسۋى مۇمكىن سپورتشىلاردىڭ سىنامالارى عانا تەكسەرىلگەن.
ءبىراق، قايسى ەلدەردىڭ اتلەتتەرىنىڭ سىناماسى جارامسىز بولعانى ءالى جاريا ەتىلمەدى.
ح و ك اتقارۋشى كوميتەتى سپورتشىلارى كۇدىككە ىلىنگەن ەلدەردىڭ ۇلتتىق وليمپيادا كوميتەتتەرىمەن بىرگە تەرگەۋ جۇرگىزۋگە قاۋلى ەتتى. ەگەر سپورتشىلارعا قاتىستى كۇدىك راستالسا وندا ريودا جارىسقا قاتىسۋلارىنا تىيىم سالىنادى.
سونىمەن بىرگە، ح و ك 2012-جىلعى لوندون وليمپياداسىنداعى 250 دوپينگ سىناماسىن قايتا تەكسەرۋدى ۇسىندى.
