ا ق ش، وڭتۇستىك كورەيا جانە جاپونيا اسكەري- تەڭىز كۇشتەرى العاش رەت بىرلەسكەن وقۋلارىن وتكىزەدى
جەرگىلىكتى «اساحي» گازەتى حابارلاعانداي، وقۋلار گاۆاي ارالدارى اۋماعىندا وتەدى. باسىلىمنىڭ جازۋىنشا، بۇل وڭتۇستىك كورەيانىڭ ازياداعى جاپونيالىق- امەريكالىق زىمىرانعا قارسى قورعانىس جۇيەسىنە قوسىلۋىن بىلدىرەدى. بۇعان قىتاي تاراپىنان نارازىلىق تۋۋى مۇمكىن.
گازەت اقپاراتىنا سۇيەنسەك، ءۇشجاقتى وقۋلار ا ق ش ءوز وداقتاستارىمەن ۇنەمى گاۆاي ارالدارىندا وتكىزەتىن Rimpac كوپسالالى اسكەري- تەڭىز مانيەۆرلەرى اياسىندا ۇيىمداستىرىلادى. بيىلعى وقۋ ماۋسىم- تامىز ايلارىندا وتەدى.
مۇنداي وقۋلاردى وتكىزۋ تۋرالى كەلىسىمگە 19 - ساۋىردە ءۇش ەلدىڭ قورعانىس مينيسترلەرى ورىنباسارلارىنىڭ قاتىسۋىمەن سەۋلدا وتكەن كەڭەستە قول جەتكىزىلدى.
