قازاقستاندا ءۇندى فيلمىنىڭ ءتۇسىرىلىمى ءوتىپ جاتىر

قاتتى قىزىقتىرعانى سونشالىق، ەندى ەلىمىزدىڭ كوز تارتار كورىكتى جەرلەرى ءۇندى رەجيسسەرى دجەيا بيدىڭ جاڭا فيلمىندە كورىنىس تاباتىن بولدى، دەپ حابارلادى www.24.kz.

ول استانا مەن الماتىدا ەكى جاستىڭ ماحابباتى جايىنداعى فيلمىنىڭ جەلىسىن ارقا تورىندە ءتۇسىرىپ جاتىر. بىلتىر قازاقستانعا رەسمي ساپارىمەن كەلگەن ءۇندىستان پرەمەر-ءمينيسترى نارەندرا مودي ەلىنە ورالعان سوڭ قازاق دالاسىنىڭ تاماشا تابيعاتى، ءزاۋلىم عيماراتتارى جايىندا ايتىپ بەرىپتى. سودان بەرى رەجيسسەر قازاقستاندا كينو ءتۇسىرۋدى ماقسات ەتكەن. «ماحاببات مەزگىلى» دەپ اتالاتىن فيلمنىڭ باستى كەيىپكەرلەرى ءۇندى اكتەرلەرى بولعانىمەن، وقيعانىڭ نەگىزگى بولىگى قازاقستاندا تۇسىرىلەدى.

«ادەتتە كينونى ەۋروپادا نەمەسە امەريكادا تۇسىرەدى. مەن قازاقستاندا تۇسىرگىم كەلدى. وسى فيلم ارقىلى ەلدەرىڭىز الەمگە تاعى ءبىر تانىلادى دەپ ويلايمىن. تۋريزم سالاسىنىڭ دامۋىنا دا تۇرتكى بولادى. قازاقستانعا تۋريستەر كوپتەپ كەلەدى. سەبەبى، سىزدەردىڭ سالت- داستۇرلەرىڭىزبەن ەتەنە تانىسقىسى كەلەتىن ادامدار كوپ. ال فيلمدى ءۇش ايدان كەيىن ەكرانعا شىعارۋدى جوسپارلاپ وتىرمىز»، - دەيدى رەجيسسەر دجەيا بي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى