عالىمدار: ۇيقىنىڭ بۇزىلۋى ەستە ساقتاۋ قابىلەتىن تومەندەتەدى
تىشقانداردىڭ كومەگىمەن ءبىرقاتار تاجىريبە جۇرگىزگەن عالىمدار وسىنداي پىكىرگە كەلدى. باستاپقىدا كەمىرۋشىلەرگە بىرنەشە كۇن بويى ءپىشىنى بىردەي ەكى نىسان كورسەتكەن. ولاردىڭ ءبىرى ساقتالىپ وتىرسا، ەكىنشىسىن ۇنەمى اۋىستىرعان. تىشقاندار جاڭا نىساندى زەرتتەۋگە كوبىرەك ۋاقىت كەتىرگەن، عالىمداردىڭ پىكىرىنشە، بۇل جانۋارلاردا ەسكە ساقتاۋ قابىلەتى بار بولعانىن بىلدىرەدى، دەپ حابارلادى ر ي ا نوۆوستي.
كەيىن زەرتتەۋشىلەر ۇيىقتاپ جاتقان كەزىندە جارىقتىق يمپۋلستاردىڭ كومەگىمەن كەمىرۋشىلەردىڭ ەستە ساقتاۋ قابىلەتىمەن جاۋاپ بەرەتىن نەيروندارىنا اسەر كەلتىرگەن. وسىلايشا، كەلەسى كۇنى تىشقاندار جۋىردا كورسەتىلگەن نىساندى (زاتتى) ەسكە تۇسىرە الماعان.
وسىنىڭ نەگىزىندە ماماندار ۇيقىنىڭ بۇزىلۋى ەستە ساقتاۋ قابىلەتىنە زيانىن تيگىزەدى دەگەن توقتامعا كەلدى.
