قازاقستان قىتايدا فۋتبولدان وتكەن حالىقارالىق تۋرنيردە ءبىرىنشى ورىندى يەلەندى - فوتو

جارىسقا قىتايدا اككرەديتتەلگەن تۇركىمەنستان، رەسەي، برازيليا، وڭتۇستىك كورەيا، جاپونيا، ۆەنگريا، الجير جانە باسقا دا ەلدەردىڭ ديپلوماتيالىق وكىلدىكتەرىنىڭ ىشىنەن، سونداي- اق قىتاي دەنە شىنىقتىرۋ جانە سپورت باس باسقارماسىنان 13 كوماندا قاتىستى.

 ىرىكتەۋ ويىنى بارىسىندا قازاقستان كومانداسى توپتان شىعىپ ديپلوماتيالىق فۋتبول چەمپيوناتىندا ايقاستى جالعاستىرا الدى. ¼ جانە ½ تارتىستى دا كۇردەلى ويىنداردا ق ر ەلشىلىگىنىڭ قۇراماسى وڭتۇستىك كورەيانى (2:0) جانە رەسەي ەلشىلىگىن (نەگىزگى ەسەپ - 1:2، پەنالتي بويىنشا - 5:4) جەڭىپ، فينالعا شىقتى.

 فينالدىق ويىندا قازاقستاندىق كوماندا تۇركىمەنستان ەلشىلىگى قۇراماسىن ويىننان كەيىنگى پەنالتي سەرياسىندا جەڭدى. كەزدەسۋدىڭ نەگىزگى جانە قوسىمشا ۋاقىتتى 0:0 ەسەبىمەن اياقتالدى، ال 11 مەترلىك سوققى سەرياسىندا قازاقستاندىقتار ءساتتى ويىن (1:0) كورسەتتى.

 قازاقستان قۇراماسىنىڭ كاپيتانى بولات سىرلىبايەۆ حابارلاعانداي، بۇل بەيجىڭدە ديپلوماتيالىق تۋرنيردە قازاقستاندىق كوماندانىڭ ەكىنشى جەڭىسى. «قازاقستان ديپلوماتتارى مەن ۇلتتىق كومپانيا وكىلدەرى بۇل جارىستارعا تۇراقتى قاتىسىپ كەلەدى. 2014 -جىلى ءبىزدىڭ قۇراما ءبىرىنشى ورىندى يەلەندى. وسى جولعى جەڭىستى ءبىز قازاقستان تاۋەلسىزدىگىنىڭ 25 جىلدىعىنا ارنايمىز»، - دەدى ول قازاقپاراتقا بەرگەن سۇحباتىندا.

فۋتبول بويىنشا بەيجىڭ ديپلوماتيالىق تۋرنيرى 1990 -جىلداردىڭ ورتاسىنان باستاپ ويىن كورسەتىپ كەلەدى. قازاقستاندىقتار جىل سايىن وسى حالىقارالىق جارىسقا قاتىسادى. ۇيىمداستىرۋشىلار: ق ر س ءى م جانە قىتاي دەنە شىنىقتىرۋ ىستەرى، سپورت باس باسقارماسى.

  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى