الماتىدا اق حالاتتىلار سايىسقا ءتۇستى - فوتو
باق سىناسقان 9 مەدبيكەنىڭ بىلىكتىلىگى مەن ونەرىنە الماتى كوپسالالى كلينيكالىق اۋرۋحاناسىنىڭ باس دارىگەرى جۇماحان مۇقاش ۇلى باستاعان بىلىكتى دارىگەرلەر توبى قازىلىق ەتتى.
سايىس ناتيجەسىندە، 3-ورىندى وتا ءبولىمىنىڭ مەدبيكەسى ابىلبەكوۆا ءمولدىر يەلەنسە، 2-ورىن پەرزەنتحانا ءبولىمىنىڭ قىزمەتكەرى جانۇزاقەۆا اينۇرعا بۇيىردى. ال 1-ورىندى فۋنكتسيونالدىق دياگنوستيكا بولىمىنەن قاليبەك مادينا قانجىعاسىنا بايلادى.
جەڭىمپازدار قارجىلاي ماراپاتتالدى، ال قاتىسۋشىلارعا باعالى سىيلىقتار تابىس ەتىلدى. بۇل شارا اتالعان اۋرۋحانادا تۇڭعىش رەت ۇيىمداستىرىلىپ وتىر.
«مەدبيكەنىڭ ءرولى مەن مارتەبەسىن ارتتىرۋ ماقساتىندا ۇيىمداستىرىلعان شارانى ەندى جىل سايىن وتكىزۋدى جوسپارلاپ وتىرمىز. سەبەبى، مەديتسينا قىزمەتكەرلەرىنىڭ ەڭسەسى كوتەرىلىپ، جۇمىسقا دەگەن قىزىعۋشىلىقتارى ارتا ءتۇستى ءارى مەدبيكەلەردىڭ ەڭبەگىن ەلەپ، ولارعا باعالى سىيلىق تابىستاۋدىڭ دا كوڭىلگە قۋانىش ۇيالاتاتىنى راس» ، - دەدى الماتى كوپسالالى كلينيكالىق اۋرۋحاناسىنىڭ باس دارىگەرى جۇماحان مۇقاش ۇلى.
«بۇل سايىسقا ۇزاق دايىندالدىم. ەڭبەگىمنىڭ ءوز باعاسىن العانى قۋانتادى. سايىستىڭ ارقاسىندا جاس ءارى تالانتتى مەديتسينا قىزمەتكەرلەرى كوزگە ءىلىنىپ، مەديتسينالىق كومەك كورسەتۋدىڭ ساپاسىن ارتتىرۋ، مامانداردىڭ پروفەسسيونالدى دەڭگەيىن كوتەرۋ، سالاۋاتتى ءومىر سالتىن ناسيحاتتاپ، مەيىرىمدىلىككە تاربيەلەۋ سىندى ءبىراز مىندەتتەر اتقارىلعانى انىق. وسى قارقىندا اق حالاتتى جانداردىڭ ابىرويى اسقاقتاي بەرسە دەگەن نيەتىم بار»، - دەدى جەڭىمپاز مەدبيكە.
اۆتور: گۇلميرا عوسمان-ءالي
