بوكسشى مۇحتارحان دىلدابەكوۆ ايەلىمەن وتباسىلىق بيزنەس اشتى ما؟
NUR. KZ پورتالىنىڭ ايماقتاعى ءتىلشىسى بۇل اقپاراتتىڭ راستىعىن تەكسەرىپ كوردى.
جەلىدە تاراعان اقپاراتقا سەنسەك، ەرلى-زايىپتىلار شىمكەنت قالاسى، د. قونايەۆ گۇلزارى مەن ت. رىسقۇلوۆ كوشەلەرىنىڭ قيىلىسىنان «بيىك» ساۋدا ورتالىعىن اشقان. جاڭادان جۇمىسىن باستاعان ساۋدا ورتالىعىنىڭ العاشقى ساتىپ الۋشىلارى دا ەلگە بەلگىلى ءبىرقاتار سپورتشىلار بولعان.
بۇل جاڭالىقتى ەستىپ، NUR. KZ پورتالىنىڭ ءتىلشىسى دىلدابەكوۆتىڭ جۇبايى البينا بالعاباي قىزىنا حابارلاستى. الايدا بوكسشىنىڭ جارى بۇل مالىمەتتى جوققا شىعاردى.
العاشىندا «نەگە ونداي جاڭالىقتارعا قۇمارسىزدار؟» دەپ رەنىشىن بىلدىرگەن وڭتۇستىك قازاقستان وبلىسىنىڭ ەكس-باس پەداگوگى جولداسى دىلدابەكوۆتىڭ سپورتتاعى جاڭالىقتارىمەن ءبولىسىپ، ساۋدا ورتالىعىنىڭ اشىلۋ سالتاناتىنا راسىمەن دە بارعانىن ايتتى.
«راس، ءبىز ورتالىقتىڭ اشىلۋىنا باردىق. ءبىراق ونىڭ يەسى مەن دە، جولداسىم دا ەمەس. ونى ءبىزدىڭ تۋىستارىمىز اشتى. قۋانىشتارىنا ورتاقتاسۋ ءۇشىن اشىلۋ سالتاناتىندا بولدىق»، - دەدى ەلشيەۆا.
بوكسشىنىڭ جارى ءوز سوزىندە مامىردىڭ 13 ىندە شىمكەنتتە مۇحتارحان دىلدابەكوۆ اتىنداعى حالىقارالىق تۋرنيردىڭ اشىلۋى بولاتىنىن ايتىپ، اقپاراتتىق قولداۋ كورسەتۋدى سۇرادى.
ايتا كەتەيىك، البينا ەلشيەۆا 2011-جىلى وڭتۇستىك قازاقستان وبلىستىق ءبىلىم باسقارماسىنا باسشى بولىپ تاعايىندالعان. 2012-جىلى بوكسشى دىلدابەكوۆكە تۇرمىسقا شىقتى. ايتۋىنشا، ول قازىر زاڭدى دەكرەتتىك دەمالىستا.
«تالاي جىل مەملەكەتتىك قىزمەتتە جۇرگەن مەن ازىرگە دەمالىپ جاتىرمىن. مەن ءۇشىن بالا تاربيەسى - بارىنەن ماڭىزدى»، - دەپ ءسوزىن تۇيىندەدى بىلعارى قولعاپ شەبەرىنىڭ ايەلى.
