كامەلەت جاسقا تولماعان ەكى بالا «اتىراۋ- استانا» جولاۋشىلار پويىزىنا «قاستاندىق» جاساماق بولعان
انىقتالىپ وتىرعانداي، «مايلينو- توبىل» وتكەلىنەن 676 شاقىرىم جەردە تەمىر جول بويىندا ءارقايسىسىنىڭ ۇزىندىعى ءبىر مەتردەي تەمىر بەتوندى ءۇش باعان مەن ۇزىندىعى ءبىر شاقىرىم جول كورسەتكىش جاتقانى انىقتالدى.
كولىك پوليتسەيلەرى جۇرگىزگەن جەدەل- ىزدەستىرۋ ءىس- شارالارىنىڭ بارىسىندا كامەلەت جاسىنا جەتپەگەن ەكى جاسوسپىرىم انىقتالىپ، ۇستالدى. ولار ليساكوۆسك قالاسى وكتيابرسك اۋىلىنىڭ 11 جانە 16 جاستاعى تۇرعىندارى. ولاردىڭ ايتۋىنشا، تەمىر جول بويىنا باعانداردى قويىپ، پويىزدىڭ توقتايتىنىن نەمەسە توقتاماسىن بىلگىلەرى كەلگەن.
اتالعان فاكت ق ر ق ك 350-بابىنىڭ 1 - تارماعى (كولىك قۇرالدارىن نەمەسە قاتىناس جولدارىن قاساقانا جارامسىزدىققا كەلتىرۋ) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلدى.
قازىرگى ۋاقىتتا تەرگەۋ امالدارى جۇرگىزىلۋدە.
ايتا كەتەيىك، جىل باسىنان بەرى 400-دەن اسا شۇعىل تەجەۋ فاكتىسى تىركەلگەن، سونىڭ ىشىندە تەمىر جول بويىندا بوگدە ادامنىڭ بولۋىنا بايلانىستى - 247، تەمىر جول بويىندا جەكە مەنشىك مالدىڭ جۇرۋىنە بايلانىستى - 169، تەمىر جول بويىندا بوگدە زاتتاردىڭ ورنالاسۋى سالدارىنان -3 توسىن جاعداي ورىن الدى.
