الماتىدا بەلگىلى سپورت كەشەنى ساتىلىمعا قويىلدى

كەشەننىڭ جالپى قۇنى 3,7 ميلليارد تەڭگە، دەپ حابارلايدى BNews.kz.

عيمارات 1983-جىلى سالىنعان. 7,3 مىڭ شارشى مەتر اۋماقتا 6 تەننيس كورتى، 3 فۋتبول الاڭى جانە كوپتەگەن اكىمشىلىك عيمارات ورنالاسقان. نىسان سپورتتىق جانە اكىمشىلىك عيماراتتارعا قىزمەت كورسەتۋ ءۇشىن پايدالانىلادى.

2000-جىلعا دەيىن «دوستىق» سپورت جانە تۋريزم جونىندەگى اگەنتتىگىنە تيەسىلى بولعان. كەيىن اكتسيونەرلىك قوعام رەتىندە قايتا قۇرىلعان.

ايتا كەتەيىك، الماتىدا قالالىق سپورت نىساندارى مەن كلۋبتاردى جەكەشەلەندىرۋ جۇمىسى قارقىندى ءجۇرىپ جاتىر. ۇكىمەت بەكىتكەن جوسپار بويىنشا الماتى قالاسىنىڭ اكىمدىگى 26 كوممۋنالدى جەكە مەنشىكتى ساۋداعا شىعارماق. ونىڭ 20 نىسانى 2016-جىلى، ال قالعاندارى 2018-جىلعا دەيىن جەكەنىڭ قولىنا وتەدى.

ال جەكەگە وتەتىن سپورتتىق قۇرىلىمداردىڭ قاتارىندا گاندبول، رەگبي، باسكەتبول كلۋبتارى جانە «ايسۇلۋ» ايەلدەر حوككەي كلۋبى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى