شىنشىلدىقتىڭ سىيى

ول جول بويىندا بەس ءجۇز التىن سالىنعان قوبديشاسىن جوعالتىپ الادى. قازىناسىنىڭ جارتىسىنا تەڭ كەلەتىن بايلىعىنان ايىرىلعانىنا باي قاتتى قينالادى. ول ماتەريالدىق ءارى رۋحاني جاعىنان دا كۇيزەلىسكە ۇشىرايدى.

ول امالى تاۋسىلعان سوڭ، كىمدە- كىم قوبديشاسىن تاۋىپ اكەلەتىن بولسا، 100 التىن بەرەتىندىگىن ايتىپ جارياعا جار سالادى. ارادان كوپ ۋاقىت وتپەي- اق قوبديشاسىن ءبىر ادام الىپ كەلەدى.

باي ساۋداگەر قوبديشاسىنىڭ تابىلعانىنا قاتتى قۋانادى. ءبىراق 100 التىن بەرەمىن دەگەن ۋادەسىنەن تايۋدىڭ جولىن ىزدەپ اۋرەگە تۇسەدى. ءبىر جاعىنان قۋانىپ، ەندى ءبىر جاعىنان سىيلىق بەرمەۋدىڭ امالىن تاپپاي دال بولدى. ول تابىلعان قوبديشانى اشىپ بىرتىندەپ ساناي باستادى. ساناپ جاتىپ، نەشە ءتۇرلى ارام ويلارعا باردى. اقىرى قوبديشانى تاۋىپ كەلگەن ادامعا بۇرىلىپ بىلاي دەدى:

- ەي، دوستىم! مىنا قوبديشادا 600 ءجۇز التىن بار بولاتىن. ال، مۇندا 500 التىن عانا. دەمەك، سەن مەنىڭ سىيعا بەرەم دەگەن 100 التىندى الىپ قويىپسىڭ، سوندىقتان ۋادە وسىمەن تامام.

بۇل سوزدەر ونىڭ تاپقان ايلاسى بولاتىن. ويتكەنى، قوبديشاداعى بار بولعانى 500 التىن ەدى. التىندى تاۋىپ العان ارى تازا ادام قوبديشانىڭ اۋزىن دا اشپاعاندىعىن ايتىپ انت ىشكەندىگىنىڭ ەشقانداي پايداسى بولمايدى. ونىڭ مۇنداي ساراڭدىعى مەن ۋادەدەن تايعاندىعىنا توزە الماي، ءىستى سوتقا بەرەدى.

قازى ەكى جاقتى دا مۇقيات تىڭدايدى. التىندى تاۋىپ العاندى دا جاقسىلاپ تۇرىپ سۇراقتىڭ استىنا الىپ تەرگەيدى. قازىعا ساۋداگەردىڭ كوزى ۇنامايدى. ونىڭ ارەكەتتەرىنەن ءبارىن كۇتۋگە بولاتىنداي ەدى. ال، التىندى تاپقان ادامنىڭ پاكتىگى مەن شىنشىلدىعى بايقالىپ تۇردى.

قازى قوبديشانى قولىنا الىپ تۇرىپ التىندى تاۋىپ العان ادامعا:

- سەن، مىنا 500 التىندى ال. وسى التىندى جوعالتىپ العان ادام شىققانشا يە بول، - دەيدى. ال، ساۋداگەرگە:

- سەن 600 التىن سالىنعان قوبديشا تابىلعانعا دەيىن كۇت. ءبىز قازىر بۇدان باسقا ەشقانداي امال ىستەي المايمىز، - دەپ قايتارادى.

وسىلايشا 100 التىنىن قيماعان ساراڭ ادام بارلىق اقشاسىنان ايىرىلىپ تىنادى. ال تاپقان ادام شىنشىلدىعىنىڭ سىيىن ارتىعىمەن كورەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى