بوكس: ۇلتتىق ارنا قانات يسلام مەن حۋان دە انحەل اراسىنداعى تىكەلەي كورسەتىلىمدى باستادى

ەستەرىڭىزگە سالا كەتەيىك، جەرلەسىمىز قانات يسلامنىڭ بۇل 21 -كەزدەسۋى. ول بۇعان دەيىنگى جيىرما كەزدەسۋىنىڭ بارلىعىندا جەڭىسكە جەتىپ، ونىڭ 17 ىسىندە قارسىلاستارىن ناكاۋتپەن سۇلاتقان.

جەرلەسىمىزدىڭ قارسىلاسىنا كەلسەك، ول دا وسال بوكسشى ەمەس. قانات يسلام 2012 -جىلدان كاسىپقوي بوكستا بولسا، كولۋمبيالىق حۋان دە انحەل 2008 -جىلدان بەرى كاسىپقويلار اراسىندا جەكپە- جەكتەر وتكىزىپ كەلەدى. شارشى الاڭداعى 22 كەزدەسۋىندە ول ەڭ العاشقى جەكپە- جەگىن تەڭ ناتيجەمەن اياقتاپ، ءۇش كەزدەسۋدە قارسىلاستارىنا ەسە جىبەرسە، 18 رەت جەڭىس تۇعىرىنا كوتەرىلگەن. ەكى بوكسشى دا ا ق ش- تا جاتتىعادى ءارى ەكەۋى دە «Nelson Lopez Jr»  پروموۋتەرلىگىنىڭ بوكسشىلارى.

ەسكە سالا كەتەيىك، بۇل قانات يسلامنىڭ كاسىپقوي بوكستاعى ۇلتتىق ارنادان تىكەلەي كورسەتىلىپ وتىرعان العاشقى كەزدەسۋى. جەكپە- جەكتى ا ق ش- تىڭ «Bounce» تەلەارناسى دا تىكەلەي كورسەتەدى.

كەشە ەكى بوكسشى كەزدەسۋ الدىنداعى سالماق ولشەۋ راسىمىنەن ءوتتى. قانات يسلامنىڭ سالماعى 69,8 كەلى، ال ونىڭ قارسىلاسى كولۋمبيالىق حۋان دە انحەلدىڭ سالماعى 69.3 كەلى بولعان ەدى.

 جەكپە جەكتى تەلەارنانىڭ سايتىنان ونلاين كورۋگە بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى