ەلوردادا اشىق مالىمەتتەر ينتەرنەت-پورتالى ىسكە قوسىلدى
استانا قالاسى اكىمى اپپاراتىنىڭ ورىنباسارى ءالنۇر سەيدۋمانوۆتىڭ حابارلاۋىنشا، جىل سايىن مەملەكەتتىك ورگاندار قالانىڭ تىنىس-تىرشىلىگىنىڭ ءتۇرلى سالالارىندا اقپاراتتىڭ كوپ كولەمىن جينايدى، بۇل اقپارات ينتەرنەتتە جاريالانۋى ءتيىس جانە كەز كەلگەن تۇلعالار ونى تەگىن، زاڭناماعا سايكەس ماقساتتاردا بىرنەشە رەت قولدانا الادى.
- بارلىق اقپارات ءبىر جەرگە جانە ىڭعايلى بولاتىنداي جينالادى. بۇل ب ا ق، بيزنەس وكىلدەرىنە جانە ازاماتتارعا مەملەكەتتىك مالىمەتتەر بازاسىن كەڭىنەن پايدالانۋعا مۇمكىندىك بەرەدى. پورتال ىسكە قوسىلدى جانە قوعام ءۇشىن بارىنشا پايدالى جانە ءتيىمدى بولۋى ءۇشىن جاسالدى. كوپتەگەن ورتالىق مەملەكەتتىك ورگاندار مەن ايماقتار ءوز مالىمەتتەرىن جاريالاپ ۇلگەردى. مۇندا ەڭ ماڭىزدى جانە پايدالى مالىمەتتەر جينالعان. اشىق مالىمەتتەردىڭ ىشىندە - وزەكتەندىرۋ كەزەڭى، مەرزىمدەرى، دەرەككوزدەر، جاۋاپتى تۇلعالار بەرىلگەن. الداعى ۋاقىتتا ءتىزىم كەڭەيە تۇسپەك، - دەدى ءا. سەيدۋمانوۆ.
قوعامدىق كەڭەس مۇشەلەرى ۇسىنىلعان جوبانى ءبىراۋىزدان ماقۇلدادى.
ايتا كەتەيىك، بۇدان باسقا، وتىرىس بارىسىندا ەلوردادا ساۋلەت، قالا قۇرىلىسى جانە قۇرىلىس سالاسىندا كورسەتىلەتىن مەملەكەتتىك قىزمەتتەر رەگلامەنتىنە ەنگىزىلەتىن وزگەرىستەر بەكىتىلدى. سونىمەن قاتار، «ساۋلەت، قالا قۇرىلىسى جانە قۇرىلىس سالاسىنداعى جوبالاردى باسقارۋ بويىنشا ۇيىمداردى اككرەديتاتسيالاۋ» رەگلامەنتى ماقۇلداندى.
