ا ق ش- تا ادامعا قاراعاندا وتانى جاقسى ىستەيتىن حيرۋرگ-روبوتتى جاساپ شىعاردى

STAR (Smart Tissue Autonomous Robot) روبوتتاندىرىلعان اۆتونوميالىق قۇرىلعىسى قول مەن تەرىنىڭ كەسكەن جەرىن تىگۋ ءۇشىن اۆتوماتتاندىرىلعان قۇرالدان تۇرادى. روبوت سونداي-اق ينفراقىزىل سۋرەتتىڭ 3D- جۇيەسىمەن جابدىقتالعان، ول ارەكەتتەردىڭ ناقتى جولىن كورسەتەدى.

ۆاشينگتونداعى ۇلتتىق بالالار دەنساۋلىعىن ساقتاۋ جۇيەسىنىڭ ماماندارى STAR- دى ىشكى ورگاندارىنىڭ ورنالاسۋى ادامدىكىمەن ۇقساس شوشقاعا سىناپ كوردى.

سىناقتار كەزىندە ەنتەروەنتەروستوميا (اس قورىتۋ جولىنىڭ قالپىنا كەلۋى) - ىسىك كەسىلەتىن قاراپايىم حيرۋرگيالىق پروتسەدۋرا وتكىزىلدى، دەلىنگەن Financial Times گازەتىنىڭ حابارلاماسىندا.

«قورىتىندىلارى ءبىزدى تاڭعالدىردى، STAR ءىس- قيمىلداردى حيرۋرگتارعا قاراعاندا جاقسى جاسادى»، - دەپ جازدى گازەت جوباعا قاتىسۋشى مەديتسينالىق مامان پيتەر كيمنىڭ سوزدەرىن كەلتىرە وتىرىپ.

ونىڭ ايتۋىنشا، روبوت اۆتونوميالىق رەجيمدەگى جۇمىس ءۇشىن جاسالسا دا، ونىڭ ءىس- قيمىلدارىنا كەز كەلگەن ساتتە دارىگەر قوسىلا الادى. «ەگەر بىردەنە دۇرىس بولماي قالسا، ءبىر شەرتۋ روبوتتى توقتاتادى»، - دەپ اتاپ ءوتتى كيم.

مامانداردىڭ پىكىرىنشە، روبوت سوقىرىشەك جانە ءوت قابىن كەسىپ تاستاۋ سياقتى وتالاردا قاجەت بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى