ق ر تۇڭعىش پرەزيدەنتى قورىندا ارداگەرلەرگە قۇرمەت كورسەتىلدى - فوتو
وندا ۇ و س ارداگەرلەرى، تىل ەڭبەككەرلەرى، سونداي- اق اسكەري مەكتەپتەردىڭ كۋرسانتتارىنا لەرمونتوۆ اتىنداعى دراما تەاترىنىڭ ارتيستەرى مەن ەسترادا ارتيستەرىنىڭ ورىنداۋىندا «وتگرەميەۆ، زاكونچيليس بوي» دەپ اتالاتىن تەاترلاندىرىلعان مۋزىكالىق كومپوزيتسيا قويىلدى.
«1945 -جىل بىزدەن الىستاعان سايىن، كەڭەس جاۋىنگەرلەرىنىڭ ەرلىكتەرى دە ايبىندى بولا تۇسەدى. بۇل كۇنى ءبىز سوعىستا جاۋعا قارسى شايقاسقاندارعا، تىلدا ەڭبەك ەتكەندەرگە، قيراپ جاتقان ەلدى قالپىنا كەلتىرۋگە كۇش سالعاندارعا تاعزىم ەتەمىز. بۇگىن بىزگە سول جەڭىمپاز اعا ۇرپاقتىڭ بالالارى مەن نەمەرەلەرى دە قوناققا كەلدى. ولار بۇگىندە ەل قاۋىپسىزدىگىن قامتاماسىز ەتۋگە ءوز ۇلەستەرىن قوسىپ كەلەدى. ءبىز اتا- بابالارىمىزدىڭ ەرلىكتەرىن ەشقاشان دا ۇمىتپاۋىمىز كەرەك»، - دەدى قوردىڭ اتقارۋشى ديرەكتورى ساعىندىق نۇراحانوۆ.
سونىمەن قاتار، ەلباسى قورىنىڭ قارجىلىق قولداۋى ارقاسىندا ۇ و س ارداگەرى لەونيد گريشتىڭ ءۇش تومدىق «جەڭىس جالىنى» كىتابى قايتادان باسىپ شىعارىلدى. وندا قازاقستاندىقتاردىڭ ەرلىكتەرى باياندالعان.
«مۇنداي شارالار جاستاردى پاتريوتتىق رۋحتا تاربيەلەۋ ءۇشىن وتە قاجەت. مىنەكي، سوعىستىڭ اياقتالعانىنا دا 71 جىل ءوتتى. ءبىز ءقازىر بولاشاعى كەمەل، تاۋەلسىز ەلىمىزدە ءومىر ءسۇرىپ جاتىرمىز. بۇل جايت مەنى - رجيەۆ تۇبىندەگى سۇراپىل شايقاستارعا قاتىسقان ارداگەردى ەرەكشە قۋانتادى. مەن كەزىندە 100- قازاق بريگاداسىنىڭ قۇرامىندا شايقاستىم. مانشۇك مامەتوۆا ءبىزدىڭ بريگادادا جاۋعا قارسى سوعىستى. ءبىزدىڭ بريگادا سوعىستا ەرلىكتىڭ تاماشا ۇلگىلەرىن تانىتتى. سوندىقتان، جاستارعا ايتارىم، ەل يگىلىگى ءۇشىن جان اياماي ەڭبەك ەتىڭىزدەر. سوندا بولاشاعىمىز دا جارقىن بولا تۇسەدى»، - دەدى سوعىس ارداگەرى سۇلتان جيەنبايەۆ. 
