قارجى جىمقىردى جانە قىلمىستىق توپتارمەن بايلانىسى بار دەگەن كۇدىكپەن فۋتبول كلۋبتارىنا ءتىنتۋ جۇرگىزدى

پورتۋگاليا باس پروكۋراتۋراسىنىڭ مالىمدەۋىنشە، تەكسەرىس بارلىعى 22 كلۋبتا، ونىڭ ىشىندە «بەنفيك» پەن «سپورتينگتە» جۇرگىزىلگەن.

پورتۋگاليانىڭ قۇقىق قورعاۋ ورگاندارىنداعى دەرەككوزى Reuters اگەنتتىگىنە تەرگەۋ ءۇشىنشى ديۆيزيونداعى رەسەيلىك بيزنەسمەن الەكساندر تولستيكوۆقا تيەسىلى «ۋنيون دە لەيرا» كومانداسىنا قاتىستى ءجۇرىپ جاتىر. تولستيكوۆتىڭ ءوزى اگەنتتىك قوڭىراۋىنا جاۋاپ بەرمەگەن. كلۋب باسشىلىعى دا بۇل اقپاراتقا قاتىستى تۇسىنىك بەرمەدى.

كەيبىر مالىمەت بويىنشا، بۇل ىستە تاعى ءبىر رەسەي ازاماتى مەن ەكى پورتۋگالدىقتىڭ اتى-ءجونى بار. تولستيكوۆ بانكروت بولعان كلۋبتى 2014-جىلى ساتىپ العان. بۇل كلۋبتى ءبىر كەزدەرى حوسە ماۋرينو جاتتىقتىرعان. وتكەن جىلى كلۋبتا رەسەيلىك جەتى فۋتبولشى ويناعان.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى