رەسەيلىك مينيستر قازاقستان ارقىلى قىتايعا تۇششى سۋ جىبەرۋدى ۇسىندى
رەسەيدىڭ التاي ولكەسىنەن ق ح ر شىڭجان-ۇيعىر اۆتونوميالىق اۋدانىنا تۇششى سۋ جىبەرۋ جوباسى قازاقستان رەسپۋبليكاسى ارقىلى جۇزەگە اسىرىلماقشى.
بۇل تۋرالى ق ح ر اۋىل شارۋاشىلىعى ءمينيسترى حان چانفۋمەن بولعان كەزدەسۋدە وعان رەسەيلىك ارىپتەسى الەكساندر تكاچيەۆ ۇسىنىس ەتكەن دەپ جازادى bnews.kz.
«رەسەيدىڭ التاي ولكەسىنەن ق ح ر- دىڭ شولەيتتى شىڭجان-ۇيعىر اۆتونوميالىق اۋدانىنا قازاقستان رەسپۋبليكاسى ارقىلى تۇششى سۋ جىبەرۋ جوباسىن ۇسىنۋعا دايىنبىز. جاقىن ارالىقتا اتالعان ماسەلە بويىنشا قازاقستان تاراپىمەن كەڭەسەتىن بولامىز»، - دەدى ول.
رەسەيدىڭ بۇل ايماعىندا تۇششى سۋدىڭ ارتىق كولەمى اعىزىلىپ جىبەرىلەدى. سوندىقتان التاي ولكەسىنىڭ سۋ رەسۋرستارىن ءتيىمدى ءارى ۇتىمدى پايدالانۋ ماقساتىندا اۋىل شارۋاشىلىعى مينيسترلىگىنىڭ مەليوراتسيا دەپارتامەنتى قازاقستان ارقىلى قىتايدىڭ سۋعا ءزارۋ اۋدانىنا 70 ميلليون تەكشە مەتر كولەمىندە تۇشى سۋ جىبەرۋ مۇمكىندىگىن قاراستىرۋدى ۇسىنىپ وتىر، دەپ حابارلايدى Rg.ru.
