يسپانيا كورولى پارلامەنتتى تاراتىپ جاڭا سايلاۋ تاعايىندادى
يسپانيا كورولى VI فەليپە پارلامەنتتى تاراتۋ جانە 26- ماۋسىمدا جاڭا سايلاۋدى وتكىزۋ تۋرالى جارلىققا قول قويدى. بۇعان جەلتوقساندا تاعايىندالعان دەپۋتاتتاردىڭ جاڭا پرەمەر-ءمينيستردىڭ كانديداتۋراسى بويىنشا ءبىر ءپاتۋاعا كەلمەۋى سەبەپ بولدى.
كونستيتۋتسياعا سايكەس كورول پرەمەر-ءمينيستردىڭ كانديداتۋراسىن ۇسىنادى جانە پارلامەنتتى تاراتا الادى. ول 2- مامىردا جاڭا ۇكىمەتتى تاعايىنداۋ مەرزىمى اياقتالعان سوڭ پارلامەنت سپيكەرى پاچي لوپەستىڭ قاتىسۋىمەن ءتيىستى قۇجاتقا قول قويدى.
«كەلەسى پارلامەنت بۇدان ساباق الىپ، ۇكىمەت ماسەلەسى بويىنشا تەزىرەك شەشىم قابىلدايدى دەپ ۇمىتتەنەمىز»، - دەدى لوپەس باسپا ءسوز ءماسليحاتىندا.
يسپانيا وسىعان دەيىن سايلاۋدى ەكى رەت وتكىزبەگەن.
