شاڭحاي قالاسىندا «بولاشاقتىقتار» فۋتبولدان وتكەن ستۋدەنتتىك چەمپيوناتتا ءبىرىنشى ورىن الدى - فوتو
بيىلعى جارىس قازاقستان تاۋەلسىزدىگىنىڭ 25 جىلدىعىنا ارنالدى.
جارىستى ق ر ءبىلىم جانە عىلىم مينيستىرلىگى ازيا جانە وكەانياداعى «حالىقارالىق باعدارلامالار ورتالىعىنىڭ» وكىلدىگى مەن قىتايداعى قازاق ستۋدەنتتەرى اسسوتسياتسياسىنىڭ شاڭحايداعى ءبولىمى (KSAC) ۇيىمداستىردى.
چەمپيوناتقا قازاقستان، تاجىكستان، قىرعىزستان، تۇركىمەنستان ەلدەرىنەن كەلگەن 11 ستۋدەنتتىك كوماندا جانە جەرگىلىكتى قازاق دياسپوراسى قاتىستى.
اشىلۋ ءراسىمى كەزىندە KSAC بەلسەندىلەرى مەرەكەلىك كونسەرت قويدى.
«بولاشاق» كۋبوگى ويىندارىنىڭ ناتيجەسى بويىنشا شاڭحاي شەت تىلدەرى ۋنيۆەرسيتەتىندە وقىپ جۇرگەن قازاق ستۋدەنتتەرىنەن قۇرالعان «الباتروس» كومانداسى جەڭىسكە جەتتى. ەكىنشى ورىندى تۇركىمەنستان ستۋدەنتتەرىنەن قۇرالعان «بەديەۆ» كومانداسى، ال ءۇشىنشى ورىندى شىعىس قىتاي عىلىم جانە تەحنولوگيا ۋنيۆەرسيتەتىنىڭ قازاقستاندىق ستۋدەنتتەرىنىڭ «لەگيون» كومانداسى الدى.
«ۇزدىك ويىنشى» نوميناتسياسىنا تۇڭجي ۋنيۆەرسيتەتىنىڭ كوماندا شابۋىلشىسى، قازاقستاندىق ستۋدەنت تەمىرحان ءادىل يە بولدى. «ۇزدىك قورعاۋشى» تۇركىمەنستاندىق اعاجان نيازبەرديەۆ اتانسا، «ۇزدىك قاقپاشى» دەگەن اتاققا قازاقستاندىق الىبەك ءشامشيدنوۆ لايىق دەپ تانىلدى.
بارلىق جەڭىمپازدار «بولاشاق» كۋبوگىمەن، مەدالدارمەن جانە باعالى سىيلىقتارمەن ماراپاتتالدى. ءىس- شارا اياسىندا قازاقستاننان كەلگەن ستۋدەنتتەر مۇقتاج جاندارعا كومەك قولىن سوزۋ ماقساتىندا «يگى ءىس جاساۋعا اسىق» قايىرىمدىلىق اكسياسىن ۇيىمداستىردى.
