دەنساۋلىق: نەگە التىننىڭ ورنىنا كۇمىس تاعۋ كەرەك؟
كانادا عالىمدارى التىن بۇيىمداردى مۇلدەم تاقپاڭىزدار دەمەي، كەرىسىنشە تەك تۇندە شەشىپ قويۋعا نەمەسە ورنىنا جۇيكە قىزمەتىن رەتتەپ، ارتەريالىق قىسىمدى تومەندەتەتىن كۇمىستى تاعۋعا كەڭەس بەرەدى.
تاجىريبە ناتيجەسى بويىنشا، تەرىگە تيگەن التىن جۇيكە قىزمەتىن ناشارلاتىپ، زات الماسۋدى تەجەيدى ءارى كوڭىل- كۇيدىڭ بۇزىلۋىنا سەبەپكەر بولاتىندىعى انىقتالدى. ەموتسيالى ادامداردى كۇيزەلىسكە اكەلىپ سوقتىرۋى مۇمكىن. مۇنىمەن قاتار. قويانشىق اۋرۋىنا شالدىققاندار ءۇشىن اسا قاۋىپتى. اشەكەي بۇيىمداردىڭ كوزدىڭ جاۋىن الىپ جارقىراۋى قويانشىق اۋرۋىنىڭ ۇستاماسىنا الىپ كەلەدى.
ال كۇمىستىڭ اسەرى كەرىسىنشە. ونى ادامزات ەجەلدەن قولدانىپ كەلەدى: كۇمىس ىدىستاردان تاعام جەگەن، كۇمىس سۋ ىشكەن، ونىڭ كومەگىمەن ءتۇرلى اۋرۋلاردى ەمدەگەن.
كۇمىس قوسىلعان تاعام:
كۇمىستەن جاسالعان نەمەسە كۇمىس قوسىلعان تاعام دەگەندى ەستۋىڭىز بار ما؟ جاقىن ارادا Е174 دەگەن اتاۋى بار سيرەك ءارى قىمبات تاعام قوسپاسى جاسالىندى. ول ادەتتەگىدەي كونديتەرلىك تاعامداردى اشەكەيلەۋ ءۇشىن پايدالانىلادى. وسى سەكىلدى Е175 اتتى التىن قوسپاسى بار. بۇل كۇندەرى التىن قاپتاماعا سالىنعان شوكولادتى، التىن كوبىگى قوسىلعان شاراپتاردى، التىن يوندارى بار سۋدى كەزدەستىرۋگە بولادى.
كۇمىستىڭ زيانى:
كۇمىستىڭ ءدامىن تاتىپ كورۋگە بولعانىمەن، اعزاعا تيگىزەر كەرى اسەرى دە بار. كۇن سايىن ادام اعزاسىنا تاعامدار مەن سۋ ارقىلى 7 ميكروگرام كۇمىس تۇسەدى. ونىڭ اعزاعا ارتىق مولشەردە ءتۇسىپ، باۋىرعا جينالۋ قاسيەتى بار. مي، وكپە، گيپوفيز، كوزدىڭ شاتىرشا قابىعىندا كۇمىس مولشەرىنىڭ كوپ بولعانىنا قاراماستان، ارتىق بولۋىنىڭ ەش پايداسى جوق.
الايدا مەديتسينا سالاسىندا «اعزاداعى كۇمىس تاپشىلىعى» دەگەن ۇعىم جوق. اعزادا كۇمىس مولشەرىنىڭ ارتۋى ارگەنتوز اۋرۋىنا اكەلىپ سوقتىرادى. سول سەبەپتى كۇمىس يوندارى بار سۋدى پايدالانۋعا تىيىم سالىنادى. ول سۋدى باكتەريالاردان تازارتپايدى، تەك كوبەيۋىن تەجەيدى.
كۇمىستىڭ پايداسى:
بۇل مەتالل تۇرىنەن جاسالعان اشەكەي بۇيىمداردى تاعۋ دەنساۋلىققا پايدالى. جۇرەك پەن جۇيكە جۇيەسىن قالپىنا كەلتىرىپ، اسقازان مەن باس اۋىرعاندى باسادى. شارشاعاندى سەرگىتىپ، كۇيزەلىستەن ارىلۋعا سەپتىگىن تيگىزەدى.
كۇمىستىڭ قارايۋى:
كۇمىستەن جاسالعان اشەكەي بۇيىمدارىمىزدىڭ قارايىپ كەتكەن ساتتەرى بارىمىزدە بولعان شىعار. كەيبىر ادامداردىڭ كەرىسىنشە تەرىسى قارايىپ جاتادى. كۇمىستىڭ قارايۋى قۇرامىنداعى توتىعىپ، قارايىپ كەتۋ قاسيەتىنە يە مەدي قوسپاسىنىڭ اسەرىنەن. تەرشەڭ ادامداردا بۇل ءۇردىس جىلدام جۇرەدى. بۇدان وزگە قارايۋ اۋا ىلعالىنىڭ اۋىسۋى مەن كوسمەتيكاڭىزدى جاڭارتۋدان بولۋى ابدەن مۇمكىن.
massaget.kz پورتالىنان الىندى.
