اشىق اقپاراتتى جاسىرعان مەملەكەتتىك قىزمەتشىلەر جازالانادى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر پارلامەنتى ءماجىلىسىنىڭ دەپۋتاتى ماۋلەن اشىمبايەۆ ءمالىم ەتتى.
باسپا ءسوز ءماسليحاتى كەزىندە جۋرناليستەر مەملەكەتتىك ورگاندار «قىزمەتتىك قولدانىسقا ارنالعان» دەگەن جەلەۋمەن قاجەتتى اقپاراتتى بەرمەيتىن ساتتەر كوپ بولاتىندىعىن، وسىلايشا حالىق مەملەكەتتىك بيلىكتىڭ جۇمىسىنا قاتىستى اقپاراتتان ماقۇرۇم قالىپ جاتقاندىعىن ايتىپ شاعىمداندى. ءوز سوزىندە م. اشىمبايەۆ ونداي فاكتىلەردىڭ بارىن جاسىرعان جوق.
«اكىمشىلىك قۇقىقبۇزۋشىلىقتار تۋرالى كودەكستە ارنايى نورما بار، ول بويىنشا ەگەر لاۋازىمدى تۇلعالار «قىزمەتتىك قولدانىسقا ارنالعان» دەگەن جەلەۋمەن «اقپاراتتىڭ قولجەتىمدىلىگى تۋرالى» زاڭنىڭ تىزىمىندە بار اشىق اقپاراتتى بەرمەيتىن بولسا، ونداي لاۋازىم يەلەرىن جازاعا تارتۋعا بولادى»، - دەدى دەپۋتات.
اۆتور: جاسۇلان جولدىبايەۆ
